星期天

星期天，早上八點幾就醒左，突然想總結下兩個妹的優點同缺點，等他們知道下 我眼中的他們係點，可以有改進的空間，write down落一張paper，然後比他們睇番。點知漾漾睇完之後第一句竟然係認真咁問 : [你唔係諗住write完e d野之後去自殺吧？！]我呆了一下，答佢:[痴線]。哈，我的行為很難理解吧？傻，我沒這麼傻。

Siu lung話訓醒打比我，不過始終都係我早起身過佢好多，我打比佢先，不喜歡等人電話的我往往都係咁，但係我都等到十點半之後先打比佢，因為我怕太早嘈醒佢，佢會心情唔好。我真係唔明點解大部份男人放假都係要訓到中午十二點鐘之後才肯施施然起身，但明明早一晚佢地係可以選擇早d訓的。

訓到十二點幾一點，都冇左大半日時間啦，雖然起身或者都係冇野做，不過我相信訓得太多，人會退化。或者又係我太執著.........

拍拖拍到咁上下，到一定時期生活平淡左，習慣左，放假都要諗諗有咩做，今日我計劃去睇film...睇左松山研一的新film - 暴粗brand友，因為網上睇評論好似好搞笑，拉埋細筒去睇。係就係有d搞笑，不過好似唔係好o係我睇的感覺，film中的松山研一好似被虐待狂咁，愈比人虐待愈有火，仲可以做英雄，真係做film咁做。我認為係得啖笑。同場的都係d o靚妹o靚仔，又暴哂粗咁，又喪笑咁，令我覺得似入錯film 院！相反siu lung好似覺得幾o係睇，幾滿意咁。

講起siu lung, 佢去完大陸之旅之後，我諗佢好唔捨得，雖然佢把口話冇所謂，但係我睇得出佢好想好似ah yin佢地咁繼續旅程，不過世事難料，ah yin佢地過多幾日都基於某些原因返左來了。siu lung返來之後病了，佢身體好弱，成日有毛病，食極都唔肥，仲日漸消瘦，我很難過，但他經常都不聽我勸告，敷衍我，令我很灰心及傷心。

最近我又經常發脾氣，鬧情緒，原因未明。siu lung返晚又累又遲訓，大家時間配合不了，溝通又少了，在家中又要扮別人眼中的"乖女"，累！不扮不行，我怕....別人不會理解，連siu lung都不會明白。

明日又要返工了，不想返了，但是手停口停，沒有選擇的餘地。

為什麼很多事，看似簡單，實際上去做卻是這麼難。我的心情何時才能放鬆下來呢？