跪車加一個無常識既巴士司機

尋晚收工番屋企..

因為長途車既關係..好多時我一上車就開始訓..

而其他乘客都會同我一樣..

但尋晚就係唔知點解無訓..亦都好在無訓..

架車去到荔景附近己經聞到有燒濃左既味..

但望前望後又無野喎..

跟住同老公講電話..

講講下..有個廿零三十歲既男仔係度大叫..

男:走呀..出煙呀..

嗰男仔一直叫..但佢都無起步走..(好英勇呢)

我即刻擰轉後面..見到後面好勁煙..(其實我都坐得幾後下)

我竟然同老公講..漏煤氣呀..我唔同你講住..即刻cut左老公線..

諗番都笑死自己..

可能個人都好亂..亂up廿四..

我即刻衝落車..

本身想落樓梯嗰個老男人見我衝埋來好驚死嗰樣..

老男:唔駛驚..我比你落先..

我衝左落車..見到佢成架車車尾出煙..

咁我無可能行埋去睇下架..佢爆炸我咪趴街..

我即刻打番比老公..

我:架車燒著左呀..

跟住個司機即刻搭訕.."出煙之麻..燒著左你就唔會企係度啦"

我心諗..你唔著左又點會出煙呀..架車自己識食煙架..食開邊隻牌子呀?

之後嗰司機仲要走埋去睇下係唔係佢架車出煙喎..好似唔信佢架車會出煙..

我:你熄左架車先啦..你有無常識架..

你表面睇佢出煙姐..你點知佢有無其他毛病..

熄左佢都爆既你無野講..

但因為你唔熄而爆既..你害死幾多人呀..