媽媽節

前幾日..我放假..

同媽咪預祝母親節..

當晚我老公都有出席..

每出一碟餸..我都叫佢地等等唔好食住..俾我影左相先...

今餐真係好多餸..但我麻麻地覺得好食..

我地一行七人..叫左成九個餸..其中一個仲係芝士焗龍蝦伊面底..好飽...

炒吊片

黑椒咸豬手(幾野味)

雀巢寶中寶

金菇肥牛

炒黃鱔

依d唔知係唔係扇貝呢?

芝士焗龍蝦...特價二百幾蚊..本身我地食開五六七百蚊個d架..點知嗰晚睇要成八九百蚊..嘩...食一餐咪成二千蚊落樓..

欖菜肉鬆四季豆

依一餐..真係食得好開心...

好難得可以一家人食飯...

因為我d時間好難同到佢地食飯..

之後我地一行七人行左去戲棚..

我爸媽就去左睇大戲..

我地d後生就去戲棚附近買野食..

好懷舊呀.....

細路仔嗰時覺得識整依d公仔既人好叻呢..

到依家都仲係咁好食...

到尾聲...

我最細個妹走左去買臭豆腐食...

佢一支箭就衝左埋個檔口度買野...

當佢攞左臭豆腐之後..

佢就好似d食野唔比錢既人咁打算走啦...

我見到人地既表情想叫佢俾錢之際..

佢就同我地講(好老馮個隻):俾錢呀...

即刻笑到我地個個趴哂地...

無錢學咩人買野食呀..

我地掛住笑無人打算俾錢..個阿姐又好無奈..

覺得我地係度玩咩呀..

之後我阿哥就幫佢俾左錢...

我最細個妹真係好鬼得意...

連我個朋友見到佢..

佢第一時間問我..你個妹返學點解唔駛著校服既?

其實我個妹讀緊ive架啦..

但個樣好似d中學生咁..

佢覺得我妹個樣同d行為都好cutie..