網誌分類：我最喜歡的 - 音樂 |
到咗星期日下午係另一次嘅practice ﹐其實呢幾次practice都係 more for the band ﹐因為Alex要執每首歌達到佢地嘅要求﹐講真我見到每個 band member都好盡力﹐因為個個之前都已經prepare到好攰﹐再來咁密習式嘅rehearsal真係好demanding ﹐唔好忘記除咗個結他手係全職音樂人之外﹐大家都係業餘﹐所以都有D辛苦﹐但係我相信佢地好開心有呢個咁好嘅機會同香港嘅producer同singer songwriter 交流同學習﹐對於我就更加大開眼界啦﹐仲見到自己真係好唔入流﹐音樂知識要好好地進修﹐令我更有motivation去學好唱歌添。
雖然星期六晚我有帶相機想同Ivana影番張合照﹐但係因為做緊嘢﹐同埋唔知Ivana介唔介意無化而唔肯影﹐所以我都唔敢問﹐到咗星期日我當然希望影到張相留念啦﹐去到酒店時﹐我見到和音partner已經打開哂好多隻Ivana嘅CD等Ivana簽名﹐原來佢係要幫細佬呢個Ivana嘅fans攞簽名﹐我即時就想出去攞隻自己特登買嘅CD同埋朋友託我攞Ivana簽名嘅CD入去﹐Ivana好樂意幫我地簽﹐和音partner仲講我知佢已經同Ivana影咗相啦﹐佢話原來只係需要開口問就得㗎嘞﹐但我都係想揾適當時機先影啦﹐唔想令佢唔開心。終於到咗dinner break﹐我鼓起勇氣問Ivana可唔可以影相﹐佢即時應承﹐於是乎我地一班band友就開始各自或者大圍地同Ivana影相, 佢真係超好人﹐完全無架子, 影咗靚相簽咗CD ﹐總算對自己交咗功課啦﹐我可以更專心去練習啦﹐今晚練到又係12點1點幾﹐總算成個rundown run咗一次﹐雖然仍有要執嘅地方﹐但係都應該要休息準備聽日on stage﹐practise完我地仲要執嘢﹐到走時已經1點半啦。。。
