網誌分類：我最喜歡的 - 音樂 |
今次嘅體驗令我好感受到做藝人同埋搞舞台製作嘅辛苦﹐一來藝人出外開 show要飛來飛去又唔適應當地嘅天氣已經辛苦﹐仲要日日留喺酒店練習﹐我地問Ivana有無出去tour 一下多倫多﹐佢都話無因為會心散﹐佢只係想做好個concert﹐我好鍾意佢呢個專業精神同認真嘅態度﹐pro即係pro, 加上大會提供嘅飯盒都幾難食﹐我完全無咩胃口食﹐令我覺得唔好睇做歌手嘅風光﹐其實當中付出嘅代價同努力都幾大﹐真係要有好似Ivana同Alex嘅passion先得﹐而我亦好欣賞Ivana真誠同可愛嘅性格﹐佢有唔滿意嘅地方會出聲﹐但就好有禮貌,同埋佢講嘢把聲好得意﹐雖然佢靜﹐但係我有問下佢瞓得好唔好呀咁嘅問題﹐佢都會答我﹐令我又再鍾意佢多D嘞。。。
而做舞台製作更辛苦﹐首先淨係响hotel嘅rehearsal已經有唔少 equipment做個sound system﹐班主揾咗個弟兄來做﹐而 D musical instruments都有唔少﹐所以 set up 同收嘢都唔少時間﹐講衰D﹐好似有點‘揾嘢來做‘咁﹐真係若果無興趣同個heart去做﹐又點做到呢? 所以我好尊重班主同和音partner﹐因為有時係佢地兩個自己搬哂所有嘢﹐而我就主要負責出車做運送﹐因為我架車個trunk夠大﹐仲有嘅係呢類型嘅舞台製作involve好多technical problems ﹐佢地真係要好有patience同passion先可以keep住去做囉。。。我覺得俾我都有提醒﹐唔好輕易放棄自己嘅理想呀。。。
好啦﹐都夜嘞﹐我要聽日先update埋個show end up點樣嘞。。下回分解。
