周期性發癲

今晚...我又如常返入西貢娘家...

返娘家咁密, 都為見吓我婆

呀婆好好, 身體好健康...

但...心永遠都.....

唔知自己諗乜.... 神經質

如舊...呀婆都係聽唔到我講嘢

我講東, 佢就答左西

佢真係完全聽唔到我講乜

我已經好大聲 好大聲講了...

我話下星期會凍返丫, 你記住著衫丫

佢答 : 我食左飯啦!

oh....

佢猛同我講嘢

好多時我已經唔回應...

因為我怕自己聲音一沙啞 就會喊

她說前幾天食魚, 魚骨卡住左喉嚨

幾日都卡住

佢正想睇醫生, d街坊教佢買蜜糖沖水飲

真係解到喎

好開心咁笑話 : 睇醫生佰幾蚊, 宜家十幾蚊就搞掂喇!

又話 : 我前日去左砰石買布丫, 好平好靚丫, 我星期日再去....不過我老喇! 唔好買咁多, 怕做唔黎丫....

我...又...啞...了...

婆 : 尋日我落街, 唔記得鎖匙放左另一件衫袋, 買完餸返黎冇門口入! 又冇帶手提, 咁我咪上你表哥屋企攞鎖匙囉(我地放左好多屋企鎖匙係住附近親戚到) 佢又冇人係屋企喎... 我就係樓下等佢囉...好彩見到呀邊個, 佢幫我打比表哥, 叫佢返屋企攞鎖匙咋, 原來佢地落左街, 行公園...

呀婆真係好多好多嘢同我講

我仲留意到佢, 周不時望住我個肚

好好笑...我係肥, 唔係有左啊!

但..佢又唔敢問我, 成日有意冇意試我喎 hahahhaa

如果我可以...我想...同呀婆住呀! 我想係西貢住呀!

我一出世冇左媽媽, 一直視我婆係我媽, 我婆已經當我係佢拉女架喇!

邊度有助聽器買呢? 要唔要睇醫生先買到架?

呢首歌嫲嫲, 點解唔叫婆婆呢?

係車上聽到...更加想喊 object width="425" height="344"> 填詞：林夕

她  老來難免  遺忘甚麼是甜
當  炒菜落得太多鹽  看著這天     

她  怕人嫌棄  沉默或撒嬌  只驚再不重要   
無人要  閒來去引她一笑

婆婆糊塗如娃娃  麻煩時誰來親她  誰留神誰在慢慢變化
當天將爸爸當寶貝  來到了現在盡量像寶寶關愛她
兒時人人如娃娃  頑皮仍人人寵他  誰憐誰何妨掉換一下
老花的雙眼像小孩  望大人講  病了別要怕  ha…

她  有時投訴  為何沒法聽真  兒孫都細聲在談笑
未知道  連鄰舍也都聽到

婆婆糊塗如娃娃  麻煩時誰來親她  誰留神誰在慢慢變化
當天將爸爸當寶貝  來到了現在盡量像寶寶關愛她
兒時人人如娃娃  頑皮仍人人寵他  誰憐誰何妨掉換一下
老花的雙眼多眨幾下  像提醒  誰來給她保駕

誰由誰全力湊大  大路上又怕走歪
現在沒力氣可走過馬路問哪位可帶帶
輪到她要關懷  婆婆乖

孩兒能成為爸媽  從前由誰扶一把  誰能逃年月在演化
過去既製造過寵兒  捱到了現在但願讓她得到縱寵一下
從前由誰來當家  現在是誰扶穩她
如孩童無助別驚訝  看她此際亦看到你的將來
留心點好嗎  ha......  

她蒼老了  她可愛似  娃娃

好好既歌詞