My name is Susan.

寻晚系男朋友屋企食饭，然后陪佢睇波，不过其实有无人陪对佢系无影响既，因为佢完全系旁若无人。寻晚场比赛非常紧要，因为系佢捧果支球队利物浦主场迎战死敌曼联。利物浦系过去的4个赛季无论系主场定客场都未赢过曼联，4年里面1平7负，次次都比人禁住黎打到无还手之力，仲要比人红牌罚出场。男朋友每次讲起曼联都咬牙切齿，我都比佢感染到，都好想利物浦赢翻次。对上一次比赛，利物浦有条友发烂揸同裁判理论，结果比人罚出场打少1个人。我成日阴谋论甘认为，利物浦系因为知道自己唔够打，就帮自己稳d藉口，例如打少一个甘，等自己无比人闹到甘爆。

今次比赛前又系甘，托利斯同队长谢拉特都伤左打唔到正选，我又觉得系专登话自己伤，唔上场，因为怕上左场都一样输，甘就真系超级无面喇。曼联果边同样上唔到好劲既C朗，不过用3000万英镑新买既前锋依然好厉害，第3分钟已经入左第一波！真系一个好大既打击！曼联入波既时候我系度睇报纸，男朋友大叫一声，吓到我啊……我即刻好认真睇比赛喇，怕唔睇住唔知几时又比佢吓一次。利物浦随后凭借布朗既乌龙入翻一个。接下来利物浦士气高涨，全场压住曼联黎打，真系好难得！下半场入左制胜既一球，我都成个弹左起身，不停拍手掌！最后最后，系我好肉紧既祈祷中，利物浦终于迎来4年来既第一次胜利。

今年过年我去左表哥屋企玩，有一晚系曼联对曼城derby，曼城甘多年来都未试过系客场赢到曼联，加上当日系慕尼黑空难纪念日，气氛好特别，曼联的士气非常高涨，但系，最后竟然曼城赢左，我估好多人既眼镜都跌烂晒。我当然系撑曼城啦，敌人既敌人系我既盟友啊嘛。

比赛结束后，曼联fans既表哥对我讲，你呢个Susan……

我问，咩Susan啊？

佢话，衰神啊～～

点解我一睇曼联佢就输得甘应？唔同我系曼联既Susan？