我是工作狂......?

嗡嗡嗡～嗡嗡嗡～我是勤劳的小蜜蜂～

转眼间又到左11月底，2007年又差不多净翻一个月喇！

睇翻我部电脑入面既记录，原来我已经连续做左2个几月既翻译喇！从9月13日开始，到今日，听日，唔知要到边日......一个又一个既周末......间唔中无野做果几日，反而周身唔自在，都唔知道做乜野好！剧集无追开，电影又无咩好睇既。自从我BT坏左个脑之后，都唔多敢再BT喇，唯有将就上网睇，不过都无咩有兴趣既。难道我变左做工作狂？山羊座既宿命？

我自己知道唔系甘既

其实忙忙碌碌甘过左呢4个月，系最好既。一来本身就无咩节目，二来等我唔使挂住果个唔系身边既人，三来可以赚下钱，过个小肥年，嘻嘻。

头先去左睇gigi既blog，佢系联合国儿童基金会既大使，最近佢去左内蒙古探访D先天性脑瘫既小朋友。小朋友患病，最伤心既佢地既妈妈，因为唔可以比健康既身体同幸福既生活比自己既孩子，应该系世界上最痛苦既事情。我唔系果D前卫既新新代，结婚生子系我觉得理所当然既事，虽然好多人对婚姻有负面的经历同评价，更加中意自由自在无拘无束既二人生活，虽然连自己都未照顾好真系唔知点照顾多一件细路，仲要好怕痛同其实唔系真系好中意细路，除非佢好得意，我对结婚生子仍然有无限既憧憬，觉得人生一定要有呢两样野先完整。但系如果整多一件出黎但无办法照顾佢，就真系唔可以原谅自己。所以我要勤力D，赚多D钱比好好既生活比呢个未来既佢。

呢个家庭里面2个小朋友都患病，每次讲起病情，家人都不禁悲从中来。

我好中意呢幅相

如果小朋友系健康既，会唔会对住镜头笑呢？

Visit www.gigiblog.com to see more photos and details.