~{6天記一記}~

4月8日 (星期二) ~ 近期小太陽同我都想減肥, 食得健康D, 所以放工後特別走去生果鋪買水果, 但選擇不多, 就買了青蘋果, 見上次買既火龍果幾好味, 食次又返兜買返個獨食, 因為唔多識擇, 叫老闆替我擇過新鮮D. 回到家, 開始看看怎樣煮比較, 日日食乳酪撈沙律都唔係辦法, 食到人都厭, 故今次忽發奇想. 來一個炒青蘋果雪梨加腸仔火腿. 並試做從網上找回來既新奇醋加蠔油另類沙律醬. 出來個樣都幾靚下, 初時吃來都唔錯, 食食下越來越覺怪怪地, 但點都好最終大家都食得晒. 真係好開心, 終於我煮既嘢都入得口. Yeah!~~

4月9日 (星期三) ~ 小太陽同靜先生出咗街, 唯有自己搞掂. 走咗去我平時超級喜歡食既水果豆腐花店, 點咗My favorite木瓜豆腐花. 當我正慢慢細味豆腐花那種令人沉醉之香滑時, 我發現豆腐花入面好似有D乜嘢, 仔細一看原來係原隻甲由腳. Oh!~~天呀!  即時有點反胃. 由於鋪內仍然有幾枱食客, 我唔想搞大件事. 我叫咗個waitress過來同佢講：『您過來睇下Lee D係乜.』Waitress過咗來一看, 面都變埋, 唔知點做. 後來, 連老闆都走埋過來. 佢諗咗,陣 就叫Waitress收起隻碗, 之後問我洗唔洗換過其他嘢. 係Lee個咁既情形, 您話我重敢唔敢再叫其他嘢食呢? 附近既客人都開始意識到係乜事, 紛紛埋單. 見勢我都無理由留低, 但係度諗一個好深既問題 ~~~{碗嘢我幾乎食餘得返一口, 雖然話有問題, 但係唔係都應該比咗錢先走呢?}

呆咗好一陣, 都係買個銀包出來比錢, 因為諗深一層道道食市都唔見得好乾淨, 只係平時眼不見為乾淨之麻. 今次比我見到, 係佢唔好彩. 老闆見我想比錢, 塊面突然紅咗起來, 連忙說不用了, 重向我道歉. 回家既時侯, 不停咁想, 希望唔會肚疴啦. 倒返轉頭代我賺咗$18, 個心會開心D. 果間嘢D豆腐花真係越食, 平時對客人又好好. 我唔想因為一件意外, 記佢大過. 我諗遲D等我將件事淡忘得七七八八, 再去過食嘢. 不過不如意事, 真係一單接一單, 我琴日買既火龍果竟然發爛咗, 個老闆幾唔老實呀. 買個咁唔新鮮既比我, 我決定以後唔鬼再幫襯佢.

4月11日 (星期五) ~ 卓琪因為近幾個月都被編埋係果D繼六親更, 同佢見面既機會少咗好多. 難得佢知道今日放9點鐘, 明天又不用返工, 琴日特別發短訊睇下我哋得唔得閒出來飲下嘢. 不過, 唔知點解, 由最初話約埋一齊飲嘢, 變成咗去唱K. 放工後, 心諗太早去到, 佢哋個個都未收得, 所以好慢條斯理咁游出去, 到步才知道樂琳原來係附近出Job, 好早己經放咗工, 重帶住佢個好重既Baby, 係公園坐咗一個鐘. Meet咗佢之後, 就由佢帶路到寶納巷攞9點半位. 講真真係好耐無唱過K, 今次真係要唱過夠本. 攞位後, 見Menu入面既加洲卷, 蟹棒同蟹籽沙律焗薯皮好正, 諗住叫來一齊食. 點知樂琳Diet中, 過咗唔知幾點只可以咬蘋果, YAM又剛剛陪完老細食飯, 個胃Full晒, 而卓琪因為太遲來, D嘢食放咗好耐, 唔好意思叫佢食. 最終我一個食晒所有嘢, 重要比佢哋影襯到我好似好大食咁.

初時當然先試下點新歌試唱, 但發現10首有9.5首都唔識. 聽過既又唔多識唱, 幾乎全程開伴唱. 幾經一輪嘗試, 都係點反D老歌好過. 唱返鄭秀文既『值得』、『默契』真係覺得好正. 抵佢果時咁紅. Gigi既『花火』都唔錯. Joey既『告解』『隆重登場』簡真既My favorite. Ada依舊繼續撐佢偶像Kenny同小春, 點咗好多佢哋既新歌. 而我其後轉攻翻唱既女版歌, 泳兒既『富士山下』、王菲既『明天我要嫁給您』. 何韻詩既新歌『木紋』、『韻律泳』都好正...........瘋狂唱咗不知幾耐. 平時我哋以為家教無咁嚴既Yam, 突然比Aunt吹返屋企, 樂琳出手解圍仍然無辦法, Yam唯有做第一個走先既人. 佢話下次會記得帶個大話出街, 可以玩夜D. 之後, 我哋三人就唱到零晨3點, 就去海防道等綠Van返屯門天水圍. 回到家差唔多成4點幾, 我知道自己如果一上床睡, 明天一定返唔到工. 唯有死頂再死頂............不眠不休......直到返工為止. 

 4月12日 (星期六) ~ 幾經辛苦, 終於捱到下午1點可以放工. 小太陽今日無乜特別嘢做, 話可以同我食午飯同晚飯. 小太陽因為知道我成晚無瞓, 食完飯就送咗我返屋企, 諗住等我小睡片刻, 再同我出去元朗行街. 估唔到5點幾一睡, 起身己經係晚上10點幾. 小太陽原本諗住叫我起身一齊落街食嘢, 我又死唔落街.  最終要迫佢食外賣. 佢重好悽涼同我講佢係我屋企上咗1個鐘頭網同睇咗4個幾鐘電視. 重要D電視超級唔好睇. 諗住搵碟睇. 點知全部都係我姐夫買回來既翻版, 畫面差到死, 重要最想睇既Mr. Bean竟然講俄文, 轉英文字幕, 好明顯譯到錯Q晒. 早之要佢悶咗咁耐, 就一早唔叫佢同我食晚啦. D電視真係好悶, 我唔白點解007成日唔開槍, 而佢最勁既武器竟然超級磁石錶. 至於2046, 算小女子無咁有深度完全唔知佢嗡乜. 等咗半個鐘, 我哋叫既外賣皮蛋瘦肉粥, 西炒飯, 凍檸茶, 凍奶茶終於來, 食飯既時間, 佢同講佢諗周公一定係個猛男, 如果唔係點解我可以成日可以一訓不想起來. 佢又同我講小新有集講美亞大咗肚就快生得, 佢爸爸打返屋企問小新媽咪既情況點樣. 小新見到電視機馬仔生緊BB, 就同爸爸講BB出來啦. 咁佢爸爸以為美亞So得, 就吩咐小新叫隔壁屋個大嬸過來睇住佢媽咪. 大嬸過到來睇到美亞瞓到成隻死豬咁, 重流埋口水, 咁好無奈咁問：『究竟小新老豆叫我過來睇住美亞瞓, 有乜意思?!』此時終於做『狐忍』. 追埋佢, 我又開始眼訓, 又走回床上瞓覺覺豬. 有時真係好佩服小太陽, 點解可以容忍到我Lee個超級大懶豬, 重可以寸步不離咁好似個傻瓜大嬸咁睇住我怒瞓.