黑仔--"綠"親隻腳

昨晚蒸水蛋,蒸好後打算拿出飯枱,準備開飯,殊不知竟然打翻了,成碟剛蒸好的水蛋就這樣落到我的腳面上,"辣"到我不斷叫,沖水後,成隻腳面紅卜卜,EDDIE同我查了藥膏,隻腳好似被火燒咁,食完飯,腳面起了水泡,EDDIE話不如去醫院睇下,你隻腳咁樣,聽日都著唔到鞋返工,就是就帶埋藍藍著住涼鞋到法國醫院治理.返到屋企到十點多.

返到屋企後,隻腳唔知點解好熱,好痛,又好似比火燒,痛到喊.但藍藍好乖,返到屋企問我：「媽咪,個傷口仲痛唔痛呀」! 好抵錫.

今年,唔知點解咁黑仔,繼之前跣親,整到腰骨,之後生蛇,今次又"綠"親,好彩上次跣親後都買了份意外保險(以免再有意外),唸住應該無咁快用得著,點知意外真係意外,完全係意料之外,今次有得CLAIM返,唔係就真係"肉痛"LO!!!