口腔病毒

藍藍星期六開始發燒,到星期日帶了他去看醫生,醫生話佢喉嚨損了,發炎,開了藥給他,但藍藍唔肯食藥,daddy話 d藥好苦,佢食完就嘔返出來,食了=無食過,又點會好呢?

昨天早上,發覺佢d燒唔退,仲成39.7度,於是同佢請假,轉睇另一個醫生,醫生話佢係口腔病毒,是腸病毒的一種,口腔及喉嚨內生了一些白色粒粒,似飛滋的物體,而牙肉又腫晒,很痛,所以唔肯吃東西及會嘔.叫我哋唔好迫佢食野,開過d藥比藍藍,盛惠$450,而且要覆疹.

其實霍醫生d藥通常都好好味,好香的,之前藍藍病的時候,食藥都很合作的,但今次藍藍係都唔肯食藥,一到食藥時間,就會口掩住個口,又或訓係床度,面向枕頭.都唔明,我都試過d藥,唔苦的,佢都唔肯食.幾經辛苦,又氹又罵,先可以食到d藥,最麻煩的是有d藥4個鐘一次,有d就6個鐘一次,總之每隔一兩個鐘又要食一次藥.

最後唯有出絶招,就係同佢講,你唔食藥,我就帶你去醫生度打針,食藥同打針,你自己揀,今早佢終於乖乖咁食晒d藥.