良緣證婚@特色証婚場地(海逸酒店—水雲間)

12月5日係香港既大日子，因為「東亞運動會」開幕。

對Joey & Alfred來講，呢日係超超大的好日子，因為佢地係呢日共諧連理。

佢地既婚禮有幾特別，首先睇吓個場地先。

藍天白雲，温暖的陽光，180度維多利亞港作背景，

鮮花加上紗布的簡約佈置，已經勁有feel。

黃埔海逸酒店的水雲間—市區中罕有的臨海特式場地，

鍾情戶外婚禮場地的準新人，可以考慮吓！

婚禮的另一大特色——現場演奏及獻唱，彷似小型音樂party。

各式各樣的樂器，包括：長笛、口琴、結他..........

演奏着扣人心弦的婚禮音樂，加上現場獻唱，令婚禮生色不少。

呢班唔係受聘的職業樂師，而係新人的好朋友，

佢地用音樂、歌聲給新人送上祝福，令氣氛更加温馨浪漫。

另外，牧師的祈禱祝福，婚禮增添莊嚴神聖。

証婚儀式，由boss張偉樑律師主持。

Joey & Alfred 全程十指緊扣，幸福甜蜜，

張律師宣佈佢地結為夫婦。

衷心祝福周生周太：恩愛甜蜜、白頭到老。