BB, I LOVE U ^.^

時間過得真係快, 又到我要走既時候, 毎次我係香港既時間總係覺得唔夠用, 返黎兩個星期, 就忙足咁多日, 今日終於有時間去同我姑姐飲茶, 仲有就係同BB玩. 

由細到大我都好鍾意小朋友, 行街見到D BB我都會忍唔住望住佢, 尤其個D眼大大, 肥肥白白個D, 我成日都好想有自己既小朋友, 但係理智既時候, 就會諗究竟自已有無能力照顧人, 我會唔會係一個好媽媽呢?  呢個問題真係幾難答, 所以都係玩住人地個D先...HEHE....個位就係我表哥既囡囡....九個月大, 個子好高, 但係無咩頭髮, 我諗佢第時會係一個活潑開朗既小女孩, 因為我見過佢咁多次, 都未見過佢喊, 我最鍾意呢D小朋友.

未上去我姑姐屋企之前, 我走左去買衫仔俾BB, 我毎次經過百貨公司既BB部, 我都忍唔住睇下D衫仔, 件件都好可愛, 今日終於可以買...KAKA.....(好彩BF今日唔得閒黎, 如果唔係又俾佢話我傻)....最終我買左一件工人牛仔裙同一件T-SHIRT俾BB, 買既時候我係度諗如果我第時生囡既話實破產...!

上到去姑姐屋企, 好彩BB無瞓, 佢係咁望住我笑, 我就不停咁同佢講野, 隔左一陣, 佢要我抱呀.....好開心呀, 我姑姐話佢平時唔跟人架, 上次我堂妹黎搵佢玩, BB見到佢就喊LA.......咁我咪好LUCKY, . 

唔知點解, 一見到BB對住你笑, 真係咩唔開心既野都會唔記得.  Thanks, ｂｂ！

Ｔｏ：　ＢＢ

我九月返黎第一時間就黎同你玩，　唔知你識行未呢？！？