心臟病

今日帶毛毛去打一年一度的預防針

醫生同佢檢查後話佢心臟有雜音, 係初期的心臟病

其實半年前醫生已經話毛毛心臟有雜音, 但唔嚴重

只要留意住佢有無咳, 或者呼吸困難....

今次毛毛比半年前重左差唔多1KG, 醫生話佢要減肥

因為毛毛絕育後真係大食左好多

由當初醫生要佢增肥, 到醫生要佢減肥...只係半年之間既事!

唉, 好擔心呀~

醫生話毛毛年紀開始大, 加上過重, 好易有心臟病

要轉食減肥糧, 唔可以食雜食, 如零食同水果

飲食方面我都仲有把握可以控制到, 但係生活習慣就好難改~

毛毛好易就好興奮架喇, 例如有人返屋企, 佢會起勢衝埋去狂吠

同埋見人食野, 佢就兩眼發光, 係咁跟住吠跳!

一聽到個”街”字，又係顛左～

我怕佢唔知幾時會突然發病~我有咩可以做?

毛毛今年七歲，步入老年喇～我唔想佢咁快離開我！

所以我諗住每年同佢驗一次血同檢查身體一次，希望可以及早發現疾病！

大家有無類似既經驗，請同我分享下，謝謝！