澳門の尋荷花 (I)

澳門這個地方去過不知幾多次,

但今次目的係影荷花,

所以事前都要做下功課先。

睇下旅遊書有咩好介紹,

查下咩地方有荷花嘅蹤影,

計劃一下短短兩日嘅行程!

 

7月4日早上搭11點船過澳門,

但原來荷花節已經在6月28日完結了!

不過....好在仲有好多公園都仲有荷花!

 

但我竟然做左一個大笨蛋,

原因係之前mark底嘅餐廳地址,

有荷花影嘅地址,

同埋本澳門嘅旅遊書.......

全部都漏底哂喺屋企冇帶出黎!!!!!!

好在男朋友並唔會喺呢兩日成日鵝我忘記帶,

反而係我覺得自己係一個大笨蛋......

之前試過相機電差左一晚打算去影相,

點知!!

部相機就帶左出街,

係唔記得拎舊電啫!

真係大頭蝦~~~

 

不過.....

我都仲叫做有小小記性!

 

一到埗就即刻搭車去三盞燈,

搵呢間<園林小食店>!

 不過就唔記得呢間有咩係必食嘅!

好似係墨丸麵呱~~

所以我叫左碗!

我以前唔食墨魚丸架,

同男朋友一齊之後,

飲食方面唯一改變嘅就係呢樣,

我地成日去燒野食,

因為佢鍾意食,所以買去燒,

我食下食下...原來都唔錯喎!

而家間中食麵都會叫佢(墨魚丸)!

之後睇番本書,

原來墨丸麵係另一間嘅招牌麵~~哈哈~~

之後行去紅街市,

搵男朋友細個嘅回憶小吃-------雞絲翅。

飽左啲,

就開始去影相喇!

第一站係------盧廉若公園!

第一次去澳門時到過這裡,

但沒有荷花亦沒有影相,

今次有咁多荷花喺面前,

當然要影影影啦!

這張相事後經過處理嘅!

好喇......慢慢睇啦!

這種荷花好多花瓣,

我覺得冇咁靚!

我好鍾意白色,

所以覺得呢種好靚好靚!

漸變色都好靚呀!

生到整穿左塊荷葉呀~

這個角度看都不錯啊!

啲蚊都食得好飽啫!!

我同男朋友對腳都搞到咁呀,

而家仲痕架!!!!!!

有啲水真係唔同啲,靚啲~

 

走時影下先....

之後就去麗景灣酒店check in~

個窗望出去....

陣間一定落雨啦!

喺酒店休息一陣,

就行去官也街食小食喇!

有:芒果布甸

同埋芝士&腰果撻。

再行去最新落成嘅新濠天地睇下~

原來男朋友之前都有做準備,

呢到有免費野睇,

就係天幕龍騰 4D 環回立體電影,

就去睇下係咩黎啦,

大約七點去攞飛,

派緊九點嗰場,

我地食埋晚餐先去睇,

唔想食得咁趕,

所以拎九點半嗰場喇!

喺外面影下相

就去番威尼斯人食渢竹餐廳嘅自助晚餐($218).

男朋友出去拎野食,

我又影下相~

開始食啦~~~

好好味呀!

刺身款式唔算多

甜品我只係食左個撻,

我沒有因為同左男朋友一齊而喜歡吃甜,

都係睇見就唔想食~~

食埋生果就走喇!

夠鍾排隊入場,

之後影下張飛先,

不過最後都冇收!

附近有個大波波,等嘅時候又影下!

入到去...

開始睇繼續影相....

免費嘅show都值得睇下,

要錢真係唔洗喇,

睇十五分鐘時間,

裡面類似太空館睇電影咁圓圓嘅,

不過係企喺到睇,

啲相影得唔太好,

除左影相仲拍左短片,

下次先放上黎啦!

走嘅時候落大雨呀,

唔行啦,搭啲士番酒店啦!

呢日我地仲去左賭場玩,

其實係男朋友玩,我睇~

每次喺氹仔都贏錢架,

今日贏左四百蚊,

我地已經好開心啦!!!

~~第二日待續~~