Jul 09 book x 2 (22/7 書展)

2009年7月22日

今年書展嘅收穫有:

(10)＜人生拍賣會＞ $49.6

深雪嘅新小說

另一本係

(11)＜三萬呎高空上的日與夜　空姐事件簿VI＞ $46.5 (原來七五折呀!仲送八達通套添!)

事前並不知道藍海寧今年有新書,

所以當我去到經濟日報攤位時,

入去見倒嗰一刻,

真係好興奮,仲要係簽名本呀!(好一個小fans)

 

無錯~

我今年如我所願只買了兩本書,

都係嗰句~無錢嘛!

喺書展仲影左小小相

人又好貓狗都好,

全部都可以出書~~

HOTCHA~~

我真係out啦,

究竟呢個組合有幾多個成員架?

未睇過呢個作者(東野圭吾~神探伽俐略作者)啲書,

唔知好冇睇呢?

(細佬睇過白夜行話好睇~)

好鍾意呢啲藝術品啊!

(前後都有一個架!)

吾寫又寫~~~

出到<4>啦!!!!!

見倒李純恩接受有線訪問關於0靚模入書展嘅睇法!

呢個係Theresa,

周圍嘅小妹妹都係佢嘅fans,

但係........

我都係分唔倒Theresa同Stephy,

太似樣啦～～～

有懷疑過佢地係咪兩姊妹!

美食廣場對出有位坐,

但係呢啲書比條鐵線綁住,

搞到呢位人兄要咁睇,

辛苦哂!!

會展附近有架雪糕車,

唉~~~又係周秀娜!!!!!

之後去左上環食野,

男朋友食蕃茄豬扒通,

我食蕃茄餐蛋麵,

再加個牛油檸檬蜜糖脆脆同埋咸檸七,

餓左咁耐乜都超好味,

不過....佢真係好好味!!

之後出尖咀食Häagen-Dazs雪糕(有coupon),

食完去左九龍公園游水,

今次我好叻女呀,

叫做大膽左啦,

不過我都係覺得仲未叫做識囉,

男朋友好耐之前話我識游就送件泳衣比我,

但我遲遲都未學識,

佢真係叻,終於知道點解我近來咁積極想學識游水,

有動力嘛!!

游完水去左佐敦譚仔吃米線,

個青椒皮蛋有蒜蓉架,

好好味呀!!!

呢日真係好充實!

好啦~我要睇書啦!