停blog=一個無奈的決定

因為一對手腕已越o黎越痛+痺,右手而家仲開始腫.

今晚食完飯返屋企時,攤開隻手,我發現右手頭4隻手指好緊,27/2 fu,要話比職業治療師知

今日職業治療師check過話我一對手腕既筋都好緊,佢仲話佢成日搬病人都冇我咁緊. (但點解骨科DR B 15/1 FU check唔出呢?真係估唔到職業治療師係勁過醫生!定抑或係醫生太廢?太廢=教學醫院骨科的culture,已求診多年+腳都比佢地整跛既我,應該乜都睇化了!)

職業治療師話我係腕管綜合症(CTS),係積累性既勞損,佢初時以為我係工作,但我澄清打BLOG先係主因.

職業治療師話仲見親都係70後,係得我呢個80後!

當test完手握力時,我: "我係咪好嚴重?"

職業治療師話: "唔嚴重既話,你係咪仲想打blog?"

職業治療師話因為係積累性既勞損,所以要一段長時間先好,而且好番唔代表唔會番發!

職業治療師話仲休息係最重要,佢話如果帶手托都唔得,就可能要做手術切咁d野,不過佢話做完唔代表會好!

作為一個手術前可以著高踭鞋跑電梯,但時至今日,手術後3y8m6d,我行平路仲係limping!(limping到連職業治療師都睇到!),做完手術唔代表會好呢個道理我又點會唔明!

因為整傷了+信錯人渣=令腳腳跛了,

我唔可以再重蹈覆轍,我唔可以令手手expose to手術既風險,所以決定停blog!

就算唔永久停blog都要暫停一段好長時間.

各位朋友,一直以來好多謝您地對grandma同我既關心!

雖然未能同您地真正見面,但慶幸與您們結緣!

多謝您地!