愉快disney之旅(下)

到差不多時間，我們就搵定個好位睇花車。d花車真係好可愛，我們睇到好開心。

期間d花車不停噴水，攪到我們濕洒﹗

之後我們就去巴斯光年果邊玩，來到這裡，我建議去坐船，唸住遊覽周圍的景色，點知入左去一個坐類似過山車的地方，我還自己一個人坐一架車玩，開始不久，開始出事，相當刺激，玩完之後，我腳仔軟，還感到頭暈添﹗睇返幅相，笑死我們。

到差不多時間，我們又到大街等睇特別節目。個超人特攻隊的行為做得好似。

期間我們可以到中間一齊跳舞。

貓王史廸仔﹗

之後，我們去探險世界，坐船遊覽假的森林河流，個導遊的台詞好搞笑，最後佢仲問我地係唔係好開心呢﹖佢話佢比我們玩得更開心，皆因她一日遊足56次，每星期遊足6日，聽完我都覺得好好笑。

之後我們坐木筏去泰山樹屋遊覽，這是我在樹屋上面影的相。

我喜歡這對松鼠，可惜張相朦左﹗

到了晚上，我們等睇煙花，這是等陣放煙花的城堡。

放煙花的時候，真是好靚，由於我的相機無電，所以拍唔倒video，但放低部相機去睇煙花，其實係靚好多。

睇完煙花，我們就入shop買返一些紀念品，因為入面d野實在太靚啦﹗最後我在很忍手的底下，買左一個鎖匙扣，一個扣針。

感恩：

由於今天人不多，所以每次影相，玩遊戲，我們只是大約排10分鐘隊，真是感恩啦﹗

由於祈禱的關係，最後整個旅程，連一滴雨都沒有下，而且陽光不猛烈，晚上又可以睇煙花，我真是很感恩o架﹗

今次去廸士尼，我享有半價優惠，可以省卻d錢買紀念品。

今天我食了兩球雪糕和一個著條汽水芝士漢堡包餐。