IVE的第一天

今日係新生活開始既第一日
一早六點幾就起身去番學了(要番8點半)
噢左幾十分鐘地鐵就到左灣仔...好遠喔=_=||
番到去仲係好早,八點二左右
ive 咁大...D課室真係唔問人都唔會知要點行
我地個班主任個樣都OK有廣告人FEEL(其實佢又真係廣告人黎)
跟住佢開始逐個問我地第時想做咩~
以下係其中幾個男同學既問答::::

RICK SIR問:: 你想第時做咩?
A同學答:: 我要做採購員!!!
RICK:: .......呢個係商業及設計管理喎?!
答:: 唔知啊!總知想做呢個! 收入好似好穩定!!
RICK:: 穩唔穩定你咁肯定?
答:: 唔知咖..估咖喳!
RICK:: 咁你想採購D咩?
答:: 玩具!!
RICK:: ......

RICK:: 你地享唔享受中五以前既校園生活啊?
A答:: 享受啊!!
RICK:: 點解?
答:: 因為上8堂我訓足6堂!!!!
RICK:: .........

上完之後就上埋英文
12點半就放左學~再到3點半先番去再上中文堂
此現況我們稱為 " 天地堂 "
中間空左3個鐘...除左食飯都唔知可以去邊玩咁耐
於是我同新同學EVA兩個人去左NEWAY唱K
唱完就番學....
始終都係覺得唔慣~特別係同D同學..
有時覺得自己都可以算係慢熱既人
定係我怕醜....唔太會自己去撩人傾計
所以冇咁快熟得哂D人...但另外果班人男女都熟得好緊要了
有時覺得冇熟人一齊讀書真係會有d 孤獨的...
聽左RICK講關於而家做 design 既工會點點點果d
就開始好想學廣告設計
好似好正咁呢!呵呵....