今日，除o左係家駒生日之外
我諗唔到係咩特別日子
我只係知今日諸事不順............................
因為............衰o野.........一早就到:
1)朝早收到我阿哥電話
由於某種因素
佢話可能要我幫手湊BB
雖然小姐仔真係幾得意~~~~~
不過..................真係火都o黎!!! 點解會咁o架?????
唔關我事o既o野點解而家要關我事o架
o係間屋度一日至兩日唔出去我個頭都會暈會想嘔周身唔自在
電視呀、講o野大聲呀、叫聲呀、我聽到後, 個頭都會痛
仲要痛成日痛到嘔o個隻, 痛到嘔唔係形容詞,
而係真係嘔出o黎喎!
而家仲要我一個星期連續5日O係間屋入面唔出得去之餘
阿小姐仔仲要成日喊.............
唉.................唔嘔都唔得囉呢次.............................
以後仲有得而家咁FREE?!!!!!!!!!!!!!!!!!!!!
一個星期個頭痛5日就有份......................
2)到搭地鐵, 唔知係咪對某d 人o黎講
要搭地鐵去到目的地係一件非常難o既事
硬係要係咁張個身拗後o黎望住個車站圖
望就望啦, 係咁"tun"後, 得你一個咩!
腳又唔知點解要伸開企
手又唔知點解要扶住遠o既扶手o係頭頂o個個又唔扶
兩個人就咁"r" o左7呎位
講o左兩次唔該借借都仲繼續討論車站:
"呀........3個站........呢度去深水埗係第3個站......"
"係呀.....嗱.....一二三.......第3個囉"
咩事呀??? 咪講o左第3個站囉, 仲數乜q 呢???!!!!!!
硬係要人大聲講"唔該" 先識彈開
3)去街市買餸d 師奶唔知做乜鬼o野咁迷失
唔知自己想點唔知自己想行去邊
行o下停o下, 又行又急停, 忽然又u-turn
好彩避到佢隻鞋!!!!!!! 唔係就核突死啦
踩完濕地爛菜再踩落我度真係推佢出馬路都有份!
4)到中午煮o野o個陣, d 蛋發到出o黎兩次
再倒落碟時倒瀉哂, 又彈o左幾滴落地
咁搵o野抹啦, 抹完想企返起身呢
個頭撞倒檯角, 痛到o丫........
蒸水蛋明明睇完個鐘幾點, 都可以忽然唔記得幾點開始蒸
5)到o係Mr.A 屋企樓下門口出去,
隻手就唔到力開門, 就大力推
點知俾Mr.A 話我無啦啦發脾氣咁大力開門
差d 整爛度門, 咁忟不如走先喇blah blah blah
講真, 今日我咁鬼"興", 大力o左我都唔知
6)搭緊西鐵返屋企, 距離我落車仲有兩個站,
明明大把位, 隔離成行空哂
條麻甩佬一上車就坐我隔離
本來都無乜所謂, 最大鑊係佢成陣煙味好似個人肉煙灰缸咁
加埋佢陣酒味同佬味............頂..............
明明架車未到我都要行去門口位置企
7)到返到屋企附近去街市買餸
(因為我阿媽腰傷唔攞得重o野,買餸煮飯由我負責)
行到入去街市, 有個清潔阿姐整緊地上面d 水
咁我就避佢行另一面啦, 兜個圈又見返佢
我已經忟到爆仲成日阻鬼住我
咁我"tun"後避佢d 污水啦
後面個女人唔d 做乜 q o野成日向前推想搶閘行先
到買菜o個陣, 後面個師奶係咁隊個紅蘿蔔去我手臂
搞到手臂污糟哂!
佢自己個頭就擰去左面唔知望乜隻手拎住O野係咁向前隊
我行前半步避佢, 佢又行前半步
8)避緊後面個女人之際,
菜檔個女人同個小朋友玩完後可能心花怒放啦
行出o黎無啦啦轉o左180度o既圈
佢o個條又濕又污糟o既膠圍裙就咁"tat"o左落我褲腳後面
"SHIT!............................濕哂啦"
奈何人地無反應..............
@&$@*$@$_#@&$@)*&@(
而家 D人咩事呢???
