三八。表妹婚宴
9日內參加o左兩個婚禮~
首先係十幾年好朋友o既妹妹結婚
之後就係自己o既表妹結婚
先講好朋友o既妹妹,
我第一次見佢o既時候, 佢仲係一個小學生......
而表妹呢~~第一次見o既時候, 佢係一個BB
哈~~~我真係老喇~~~
想唔認老都唔得啦
身邊好友/舊同學要結婚o既結婚
結o左婚o既仔女都生埋~~~
未結婚o既都即將會結
哈哈~~~老!
老還老....都唔駛頭痛成3日咁多呀嘛??!!!
十成十係條筋太緊又發大o左, 扯到頭痛眼痛!!!
所以....我被勒令唔准玩電腦一個禮拜！
不過，打埋呢篇blog先啦～～
唔好鬧我住啦Mr.A ~~~
下晝同你傾完電話後好o左好多喇~~
你個電話真係神奇,如果你早d 打俾我,
我咪唔駛痛咁耐唔駛同你請假囉~~
我唔係賴你呀~~
只係想話你知你今朝個電話有神奇o既力量咋~
每次唔舒服, 有你o係隔離都會舒服好多好多
多謝你o既照顧~
最近同Mr.A o既感覺好幸福好sweet~
不過每次我有呢個感覺o既時候
就係差唔多係鬧交o既時候
真係.....次次都係咁
所以每次鬧交o既時候我都覺得特別hurt
因為越高就越跌得痛嘛!
好彩o既係.....我o地大家都會平靜落o黎, 每次都會和好收場
希望我o地日日都可以keep 住幸福sweet o既感覺而唔鬧交啦~
p.s. 梗要多謝埋我媽咪o既照顧啦~~
因為我頭痛, 佢今晚專登煲o左天麻魚頭湯我飲呀!!!
