烚!

星期日Mr.A 有佢自己同friends既活動
(哼~去睇show無叫埋我! 已經好嬲啦!之後仲成日講住點點點......
嬲爆呀!! 詳細原因唔講喇!!唔想o係度keep record 呀!!!)
我有我同Hilda o既活動~~~ 去完葵涌行街再去荃灣行
諗住去睇o下衫........點知.....睇唔o岩......
行到差唔多時間就去深水埗食炭爐打邊爐~
一直都好想去試~~不過Mr.A 成日都話兩個人打唔到邊爐.....
但我又唔鍾意同d 唔熟o既人一齊打
(即係我自己friend呀~屋企人就例外啦)
因為一定會成檯筷子做公筷就算張檯唔大
但打打o下一定有人唔記得邊隻係公筷
所以o係唔用公筷o既情形下, 我只接受同自己人打邊爐
況且我個人越大就越唔鍾意群體活動
硬係周身唔聚財咁......
所以趁今個星期日就同Hilda去試炭爐打邊爐
我好明顯係搵命博啦.......因為次次打邊爐我都即刻搞肚(搞兩日)..
要去廁所........但食店o既廁所........有幾乾淨o丫.........
點去呢............但呢間呢~~~算叫做近Mr.A 屋企........
所以有咩事我都可以即刻仆返去~~~~
言歸正傳~~~ 個爐o黎之前
會有盤好似日式定食咁o既盒俾你
入邊有蒜蓉/ 蔥粒/ 花生碎/ 辣椒 俾你落落去碟豉油度~
之後o個盤o野收返後, 個爐就到
我o地點o左皮蛋芫茜湯底/肥牛/羊肉/珊瑚蚌/生菜/ 蟹子尖尖
兩個人都食到5碟o野啦~~其實我仲食得到多一碟o既....
但....廢事咁過份啦....... 哈哈哈哈哈~~
(碟菜我無食哂係因為....我見到菜入面有昆蟲...我唔敢再食)
第2次踎o係街邊打邊爐~~~~真係幾正o既~~~~
個火又唔係過猛~~~~o岩o岩好~~~
(帶con者千祈唔好坐面向風o既位~因為會好多炭屎)
食到咁上下, Mr.A o既活動都完喇.....
仲誇到已經食埋飯再去埋食完糖水!!!!
佢就o係深水埗地鐵站出行過o黎搵我o地~~
佢坐一陣就話: " 咦? 咁耐都無o野, ok喎!"
我梗係知佢講乜啦! 所以我就話:" 得~唔好再提, 千祈唔好提我!"
食完之後, 個身同個頭一路都有陣炭燒味~~ 哈哈哈
意外地........我食緊到食完o個晚都無肚痛無痾喎~~~~yeah!!!!
之前Mr.A咪就係講緊呢樣o野囉~~~佢都發現我無肚痾呀!!!!
又原來, Hilda 好大膽o架!!!!! 佢夠膽放落去"樣"兩"樣"就食
就算我話佢之d o野唔係新鮮係雪藏, 佢都話佢會事o架~~~
厲害!!! 不過我都盡o左綿力要佢"6"耐d先食~~
因為而家d 病菌太犀利喇~~~

(Belle~~如果你想打邊爐, 下次去呢度食o丫~~~)