Merry X'mas!!!

平安夜，祝大家聖誕快樂！！

昨夜，是MO囝囝Hei結婚的大囍日子，但係又撞啱我公司X’mas Party，於是九秒九逼我個partner喺九點前完晒成個party跟住極速飛的往太子方向，九點半去到會場，誰不知我去到，乳豬都未開始食，真係「近」！！！

點知我去到，嗰啲兄弟竟然安排我同嗰隻嘢坐埋同一張枱，嘩，大佬！嚇鬼咩，我都話我同媽媽同一張枱咯，做咩唔比我走？？結果，會場一開燈，我即刻走走走，搵返媽媽定吓驚先… …

婚宴內，好多舊同事，其實都有啲懷念以前的日子，不過最開心，梗係見到偶像啦～～～

影大合照先好笑，問我地係咪「鳳溪」（新娘子做嘢的學校），但之前明明話我地係MO人，佢都完全唔聽書，哈哈哈！！

今次個場就係我上個月尾做姊妹嗰個場，圍數同上次一樣，但就用晒成個廳，可能係閒日嘅關係啦，所以感覺上個場大好多～～

之後去咗飲嘢，無錯！！十一點幾飲完仲要去飲嘢，成點幾先返屋企，我都覺得自己顛咗… …

講返自己個X’mas Party，我第二個就比醫院總監抽中咗，花菇一大盒，於是，我就變成了「花菇娘」，完全係超低能，勁搞笑啦！！！

今日好眼瞓，加上我又唔舒服，於是我決定要平安地返屋企瞓覺。

返屋企之前見埋我轉咗工之後冇見過嘅好好朋友仔，真係好奇怪，我地唔係成日見，但係依然係好好嘅朋友，又一次證明，好朋友係可以唔使成日見嘅。不過，最大可能係因為我們都是超白痴… …

願大家開開心心，好朋友友誼永固～～～