講座

昨日,我帶住了無數個為什麼去了健康院聽講座..

這一次收穫非常豐富,姑娘有問必答,給了我很多專業意見..

問...bb飲開160ml奶..最近唔肯飲奶,每次飲一半就要人同佢玩..次次都係喊到累先肯飲奶.剩係得半睡半醒時先可以乖乖地飲奶..有咩解決方法呢?

答...4-6個月既bb飲奶量一定要減..每日飲5餐奶..份量要同3個月一樣..如果bb唔飽先再加..如果唔係bb會超重..

如果bb唔肯飲奶,可以陪佢玩半個鐘,先再嘗試餵.再唔飲..由得佢..唔好逼..要俾bb決定飲幾多奶,唔係媽媽決定幾多飲唔晒就逼bb飲..咁樣係無意思既..

問...但係..有時飲得50ml就停口啦..咁少得唔得呀?

答....無問題架..佢唔餓咪唔飲囉..到4個鐘之後,bb肚餓就會自自然然飲奶..

問... 一日要俾bb飲幾多水?

答....如果你開奶方法正確,bb唔使再飲水..但你可以係2餐之間飲少少水俾bb飲,當係清洗一下口腔..但如果bb吐出來唔飲,都唔緊要,唔好逼bb飲..你逼bb飲,bb喊流眼淚,咁咪仲搞到bb流走晒d水份..

問...幾時可以食米糊?

答....6個月以後..世界衛生組織建議一定係6個月以後..因為越早俾bb食奶,水之外既食物,bb腸胃越差..

第一次俾bb食米糊一定要溝奶開,開稀d..(示範開奶中..)份量大約2茶匙...第一次餵米糊唔好心急..未必會成功架..好多人第一次餵都係失敗..要慢慢來..之後再按bb食量加米糊..食完之後一定要睇bb有無出紅色粒粒..如果有,嚴重既話一定要去睇醫生.

問.....幾時可以飲果汁?

答......6個半月以後,首先可以俾苹果汁bb飲..每次飲一安士左右.第一次飲俾水溝稀少少..橙汁要10個月以後先可以飲,因為橙汗係易敏感d架..

問.....可以坐學行車嗎?

問......最好唔好坐..點解呢...一來危險,二來,bb坐學行車會撐起雙腳來令架車向前郁動..長遠來講,會影響雙腳既發展..到佢學行路時會撐起雙腳來行..

.......................

聽完之後..我決定不再強逼綽b飲奶..

根據姑娘的建議重新編排綽b的餐單..

第一餐奶是...早上7:00...份量..160ml..

(通常綽b都會乖乖地喝完.)

第2餐奶是..11:00...份量..140ml.

(綽b一定會在這時才睡醒,通常會喝少一點.如果喝了有120ml就夠) 

第3餐...下午3:00..份量...140ml..

(綽b會邊玩邊喝,限時一小時,飲得幾多都算數.平時飲120ml左右...有時會140ml..)

第4餐....晚上7:00..份量...140ml..

(通常都會喝完一支..)

第5餐....晚上11:00...份量...160ml..

(綽b會在10點左右睡覺,在半睡半醒時,他會喝完160ml奶)

由今天開始新的餐單.希望綽b喝奶時會乖一點..

我不會再強逼他喝.綽b累,我更加累..