老公三號

一直都好想擁有一部富士，唔係WRX，我唔係適合開呢種車o既人。

我最想就係擁有一部富士o既旅行四驅車，而家終於有啦。

上星期日我同路飛爸去睇二手車，無錯係二手車，因為價錢比較適合我o地之餘，仲可以買架比較好o既車。本來test drive過 Suzuki Swift，但紿終太細架啦，而屋企已經有一部Mazada 2，兩部細車，好無謂。所以撇開新車唔諗，我地開始睇二手市場。目標係一架實用旅行車。

估都估唔到，我地去到第一間大型二手車行，一入到去就睇中左一部深藍色 Subaru Outback Limited Edition 2000，話明係頂級限量版，真係正野黎架，好少有。架車雖然係六年車，但保養得非常非常好，mileage 唔高，無論內外 condition都好正。入面係全真皮(灰色皮)，桃木標板，zic zac型o既自動波真皮加金屬波棍，兩個天窗。無錯，係兩個天窗，前一個後一個。CD音響乜都整，最緊要四條呤好正囉，好型仔，而後面仲有一個完廠toll bar。車牌都好正，係新南威爾斯限量版聯邦車牌，後面果組數字係686。四輪驅動，2500cc，4 Cylinders，check 過本log book 前手車主保養得唔錯，有準時驗車。

於是我地一於 test drive 一下，感覺很好，好有power，又靜穩重，pick up 得好好。其實以前睇中Subaru Forester，因為佢車身較大，但點知發現感覺Outback o既備震比Forester還要好 (可能Forester較高身)。路飛爸爸即場打左個電話俾佢個修車師傅朋友，個師傅話呢架車絕對底買，而且同車行買仲有三個月warranty，有咩大小事可以隨時拎去整或者refund。所以我地考慮左一陣，因為始終係二手，係有一定風險，再同佢講價減多少少，就交易成功啦。真係好快手，睇中第一架就買，可以比娓我當年架2號仔頂級版澳洲仲未推出時我就落訂買左。我地買車真係快手。老公三號歡迎你~!