心如刀割

衰手痕! 衰八掛! 我衰我衰我衰! 做乜要 click 入去先得架? 做乜咁八掛?

唉...今日唔覺意click o左入香港一個訂貓狗糧的一個網頁, 跟住俾我發現, 路飛蜜柑平時食開果隻 Innova Original 3kg 香港一般價只係賣 HK$177 咁上下咋! 澳洲呢度賣AU$ 48.95, 即係相等於港幣約$283 (如果用換算率 1=5.8 來計)。而 Innova EVO 香港賣 HK$211, 澳洲我買 AU$ 58 (等於港幣$336)。

屋企兩位主仔萬歲!! 只要係對你地有益的, 無論幾貴貓奴都會買俾你地!!

講開又講, 澳洲呢度真係無牌子可選擇, 咩NB, Foundations, 邊度有至得架? 都唔進口。

以前佢地bb 時候俾RC 佢地食, 不過自從一年多前台灣RC出事單野之後, 我就幫貓地轉糧。試過俾佢地食Hill 屎, 不過都唔係太理想, 始終都有含 meat by-product 之類的不明物體。最理想就係俾我搵到 Innova 有代理, 不過只得一間連鎖 pet shop 有得賣。由於呢隻糧有好評, 係天然糧, 同NB 之類的同屬一條路線, 所以我同加菲媽都覺得幾貴都值得。3kg 的Hill屎賣 AU$36, 而 Innova 標價 AU$ 48.85, 相差11蚊 (約60港元), 小數怕長計, 條數都幾甘, 無計!  邊個叫兩位大帝高高在上, 奴才只好挨貴糧。

其實我不嬲都唔覺隻糧特別貴, 可能習慣左掛....直至今日我知道o左香港賣幾多錢之後, 心理好唔平衡! 認命吧啦!