最新網誌

編輯 關閉
網誌分類:賽事篇 |
圖片
網誌日期:2009-10-19 04:55

30.9 - 4.10 Vietnam 3 day Ultra Marathon & Hike

因為有假, 想去旅行, 但又唔想太hea, 於是膽粗粗報左Vietnam 3 day Ultra Marathon & Hike -- 本係越南山區3日跑100km! 不過因為颱風吹襲, 越南山區受到極大破壞, 於是係出發前4小時收到大會email--> 改晒on road!!

真係灰爆!!! 平時唔太跑路, 我今次懷著hea 既心情, 但都力全以付, 當操練下啦!!

1.10 Thu 

Race 1: 35.6km  hill: 556m
是日勁曬! 頭6km 平路, 之後上上落落, 好似CCM咁, 但期間我地成班比人老點上山! 用左5分鐘左右!! 然後13km 左右上山, 上到頂之後落dd斜, 然後又要緩緩上!! 之後先落, 落斜時追番1st名... 最後5km 平路.

全程馬路, 上斜都幾斜, 都好! 有得行下!!
是日overall champion: Antking!! 我就overall 6th, 時間- 4:21' 女子overall 1st名.

2.10 Fri 

Race2: 35km, hill: 699m.

是日落大雨!! 頭10km 平路, 之後上山停左雨, 但好大霧. 慘在唔太斜, 局住要跑, 不過我都係行下jog下... 不知不覺就到山頂, 然後10km 落山, 又係落山時過1st名! 一路望住終點跑, 藍天白雲, 勁靚! 之後5km 平路! 是日都係Antking overall champion!! 我就以 3:34 完成, 女子overall 1st名, overall 就9th名.

3.10 Sat  

Race3: 20km, 全平路, 上幾分鐘山only! (GPS 21km)

是日又係勁好天! 頭4.5km 地盤路, 閃車又避人, 之後上幾分鐘到marble mt, 然後落樓梯跑平路... 好悶!! 所以一路同d 小朋友拍手!! 正!!! 最後2.5km 跑沙灘, 好過癮!! 不過期間指示不太清晰~~ 終於完成晒!! 好感動! 之前都未試過跑咁多日既路架!

我以2:15 回終點. 女子overall 1st名! overall 就13th 名!! yeah!!

3日以來overall 11th名, 女子overall 1st名! 太開心了!! 終於結束跑馬路既日子!!

好開心!! 如果唔係報左比賽, 我想我一定唔會跑咁多路lor! 而且都完成晒!!

天氣多變- 熱, 雨, 霧, 晴; 而且新朋友好nice 好funny; 大會安排又ok! 真係多謝晒!!

大會成績    賽事相  旅遊相

 

引用(0)

更多網誌

網誌分類

瀏覽日期

2009
S M T W T F S
  1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31