點睇Wii改機

最近，Game場的熱門話題係Wii改機
一班網友好瘋狂咁衝去改機, 分享改機後心得﹝改機有咩心得可言？﹞
又格下價 , 又比較一下表現 , 連「用咩牌子DVD-R燒錄ROM 最好」都講埋,
真係吹脹.........

我改唔改機？改！ 無錯，我會改，
因為我好想玩英文games ﹝唔係由美國game廠出o既美版game, 而係日本風格o既game傳成美版﹞
只怪 Wii 仍有地區區碼 , 呢樣唔及SONY PS3 o黎得方便.
亦怪Wii Loader 呢類碟連影都冇............ 望住英文版Zelda , 真係想玩呢！

我個人唔認清高,  2、3線games都可以玩翻版,
若覺得好玩就買正版, 唔好玩就碟都飛走佢
至於一線game、具創意o既games就要支持正版。

響香港, 要完全唔接觸盜版game / BT 之類, 講就易, 做就難﹝至少身邊朋友可能影響自己﹞
不過對於喜歡o既game 以實際行動﹝買正版﹞去支持, 我諗算係一個玩家應做的事

p.s. Xbox 360 換機後操作正常, 算係欣慰.