台北之旅 day 3 手信日, 101, 西門町

今日係2009年10月18日, 天晴

今日已經來到我地行程既第三日, 亦即係最後一日, 過左今日之後, 唔知幾時得閒會再來台北了, maybe 下一站係清境 or 懇丁, 所以, 台北, 我地有一段都幾長既時間唔會再見ga 喇, 唔好掛住我地ar 呵呵~~~

今日起身執好哂d行李就去食我地豐富既早餐, 之後就分左兩批人分別去唔同既地方, 我呢一邊就去買手信, 另一邊就去動物園, 所以我只可以講我去買手信既事, 咁好喇, 我地食飽飽就出發去買手信了, 第一站維格, 好順利就去到維格既捷運站了, 點知行錯方向加比人老點左少少, 所以明明好近既地方, 點知都要兜左個圈先到, 不過都唔算太辛苦, 因d 天氣涼涼地, 條路又闊, 好好行, 所以都ok 既, 行左一陣終於都到左維格喇, 我地好好彩ar, 一去到門口, 岩岩有一團旅行團走ar, 到我地入到間shop 淨係得番我地幾個人咋, yeah 包shop ar 正, 真係好, 可以舒舒服服咁買野, 我地買左d 蛋糕, 鳳梨酥, 糖同綿花糖就走人lu, 因我地仲要去第二店買我地既主打手信, 就係豬肉紙喇, yeah 出發

d鳳梨酥同埋蛋糕好好食

去到豬肉紙果度, 又係冇乜人wor, 果度間舖好細的, 不過好在我地買野果時又係冇乜人, 所以都ok 既, 果度間shop d 人好好, 又nice wor, 你問咩佢都會答你, 之後我自己就買左6盒豬肉紙同埋兩包豬肉鬆就走人lu, 又係好快手, 唔洗12:00 就番到酒店lu, pack 埋d 野落個行李箱到就拎落酒店check out 同寄存, 一切安頓好哂, 我地就去左行街街lu

豬肉紙間舖真係好細

行街街第一站去左101, 因為爸爸話來左台灣幾日, 比佢感覺到台灣原來好大陸, 一d成市同現代化既咁感覺佢一d 都感覺唔到wor, 所以就同左佢去101果到行下,  行完101就行左去new york new york, 之後新光三月, neo 19, 仲有好多好多大型商場, 行完商場就唔知行左去邊, 見到有街頭表演, 又有藝墟, 非常之熱鬧, 就係咁樣周圍行都行左我地3個鐘, 真係人都癲, 之後我地就坐捷運去左西門町行喇

101

爸爸最鍾意食呢隻煻

街頭表演

一去到西門町見到人山人海咁圍住, 咁我地咪去八下lor, 見到有一個著到成個OL咁既女人係到打少人wor, 真係搞野, 佢求期搵張紙畫個樣就搵隻高跟鞋打, 七情上面, 哭哂口咁打, 真係未見過, 好搞野, 睇完之後就周圍行下, 原來西門町多左好多街頭表演睇, 所以咁人山人海啦, 行左一陣有d 腳軟, 我地就求期搵左間有窗口又有"千"揪坐既cafe飲下tea, hea 下

台灣打小人, 你見過未

睇下杯野飲幾大杯

紅樓, 古蹟來ga

hea完之後我地就去左對面馬路既紅樓行下, 入面有好多台灣既歷史野睇, 都ok, 仲有一個小小既藝墟, 行完之後就番酒店join番其他人出發返香港了

kitty 候機室

有sir滑梯玩ga

育嬰室隻門幾靚

如果kitty 可以分d月餅比我食就好了

呢d就係我買既戰利品喇

去到機場, 我地咁好彩係hello kitty 候機屋等上機, 咁我地成班人又點會放過影相既機會丫, 咁我地係咁影係咁影, d 時間都過得ok 快, 話咁快就上飛機lu, 今次真係要同台北講短暫既再見喇, 經過1小時20分既機程, 3日2夜既行程終於都完滿結束了