向台北進發

今日係2009年10月16日, 天晴, 計劃左一個月既台北之旅, 今天終於出發喇, yeah~~~

晨早機0815

團員分別有, 水皮一家, 忌忌一家, 壹壹一家, 仲有二奶, 當然唔少得我們這一家啦, 一行7人, 準時早上6:30係機場浩浩蕩蕩向台北出發啦, 大家都好開心, 一去到台北天成大飯店寄存左行李之後, 我地就出發去淡水了, 風景依然咁靚, 仲見到好多狗狗行街同坐電單車, 行左幾個鐘之後, 我地就開始回程出番去市中心食自助餐了, 但係我地準備行去搭捷運其間, 竟然發現左一隻好靚女好可愛既5個月大三色哥基了, 在眾人嘩聲四起之際, 其中有一個團友已急不及待抱住隻狗了, 個店員起初望到我地實一實, 原因好簡單, 就係怕女盜賊誘騙佢隻小寶貝走lor  想知邊個係女盜賊, 睇下相就知ga 喇

我地就係住呢間飯店喇

買捷運飛去淡水

呢到就係我地既團友喇, 仲有隨團既攝影司, 佢同地影緊相, 所以張相入面冇佢份

到左淡水喇

淡水既景色, 幾時都咁好

可愛靚靚三色女

有偷狗賊強吻小朋友

你地認住佢個樣, 就係呢位小姐想據為己有喇

玩完一輪, 我地就去到食自助餐果度喇, 個自助餐ok 啦, 唔算太多野食, 或者係我唔岩食o者, 所以覺得冇咩野食, 不過雪糕就有成12款比我地揀, 我自己就只揀了其中3款食, 食飽飽我地就出發去饒河街夜市了, 一去到我地第一時間就行左我地想行果3間pet shop先, 我地發現原來台灣pet shop賣既野係貴過香港ga, 佢賣既野一d 都唔平, 不過一場來到旅行, 留底煲煲係香港, 做父母既冇可能唔買番少少野比佢ga ma, 所以我都係咁e買左d 餅餅同玩具比佢, 等佢都開心下丫ma ^_^

呢度係食自助餐既門口

饒河街夜市

行完pet shop, 再買埋呢到夜市好出名既楜椒餅, 我地就番酒店了, 番到酒店休息左一陣我同爸爸都係咁e落街行左一陣就番房休息了, 因明天0800食早餐出發去九份, 所以是日行程完畢, 明天再續 ~~~