27/11 ~ 六個月喇~

話咁快..老虎b又6個月喇..今日去左檢查呀~~好開心呀!!因為情況好好

醫生都話老虎b既成長都好好呀~今次仲係我有左以來..體重keep得最好呢

因為今次只重了3磅到...係標準既重呀~唔係過份既重呢..醫生都話有進步

仲講笑地話..係咪病一病所以重少左呀..haah~可能都有d關係架~~少少都有既

因為之前一有豬流感就通知左醫生...今日仲拎左我之前食既藥單比醫生睇~

醫生睇左叫我放心..d藥對老虎b無影響~絕對可以放心呢~問我好番未呀~

已經好番曬lu~~醫生話小心d呀..最緊要唔好發燒呀!!因為發燒就麻煩d呢~

明白曬~~醫生又按下我對腳..話放心..未有腫既情況..因為通常30週後先會腫

不過有d人都會比較早腫...同埋血壓，血糖各方面都無問題..好正常唔洗擔心

醫生仲問我.感覺到佢郁未呢..我話..已經感覺到喇..而家佢郁到連肚皮都感覺到

醫生話..你個b都好快呀~~因為好多都差不多30週先會咁大感覺...又一証明

老虎b係一個奀皮bb呢~之後就係我最愛既環節..就係睇老虎b喇~~好開心呀

今次...醫生仲照到老虎b個樣添呀..雖然唔係好清楚但都睇到佢個樣大約係點呀

醫生話佢鼻骨高高...下?我同老公個鼻都唔算高噃...hehe~跟住又睇到佢既眼骨位

老公話..個位好大呀..可能老虎b似你...咁就太好喇..一直最唔想似老公既地方...

如果真係似我就好喇.haha~不過整體黎講我都覺得似老公多d呀~~真係好得意呀

今次佢既情況醫生話好好..雖然我病但絕對無影響到bb既生長呀~~真係放心曬呀

頭仔..上次4.9cm今次..6.3cm喇..大脾仔上次3.4cm今次4.6cm喇~~仲有就係

佢既肚腩仔個位呀~上次16cm今次...已經20.6cm喇..仲話老虎b既心跳好好

好穩定唔洗擔心呢~~每次去檢查最開心都係聽到話老虎b情況好好呀!!

黎緊..下次再見又要等到12月23日喇~不過黎緊...24-28週要開始check血糖

不過醫生話雖然我血壓各樣都好正常..但安全起見都要去抽血check一次~

結果應該會pass架..期待下次見老虎b喇~~~