16/9 ~ 結婚20個月

話咁快又一個月喇..今日16號喇..同老公結婚20個月喇..好快呢~

而家...都無得去小慶祝一番喇..自從老公上星期開學之後....一星期返四日

仲要放成十點...唔好話小慶祝呀..平日想一齊食飯都難架~少d囉~

好懷念之前老公放暑假既日子呀...幾時先再有長假放呀~好慘呀

而家晚晚都自己食飯~為左老虎b所以都盡量少d出街食..因為出街食多味精呀

所以而家夜晚多數自己煮..煮多少少等老公放學返來食..因為老公返七點

好多時收得工返得學校時間都係岩岩好...所以食野既時間都無~~

老公今次呢個課程要讀兩年....黎緊呢兩年平日多數都係得我同老虎b兩個喇

雖然無咩特別去慶祝..不過唔緊要啦..因為而家開始有老虎b陪我~唔怕悶呢~

唔知老虎b會唔會3月16號出世呢..又係16號呢..haha!如果係又可以一起慶祝呢

報告下呢排老虎b既情況先...老虎媽作嘔既情況密左呀...唔知點解呢?

不過上網睇話其實有作嘔既情況係好架..代表bb穩.同埋有同事話bb會聰明d

唔知係咪真呢.?hehe~講下講下...原來今日我係呢間公司做左一年喇...

真係話咁快一年呀...係呢間公司同同team同事都做得幾開心~自己都適應左

因為公司係做季節性既野..所以一年真係得最多2個月多..係忙到你屎~

但其他日子就..得到到無野做囉...不過都好既..比我地抖夠再戰旺季呢~

越來越覺得時間過得好快...雖然快..我都好想快d到10月2號呀.因為...

去檢查可以同老虎b見面呀...好期待呀~~~hehe~