26/6 ~ 再來自家制

今日又到happy friday喇...仲打風添呀~一早話掛一號風球無機會掛更高

點知..下午又掛左三號...一心都想佢一係唔打一打就打大佢啦八號吖唔該

不過..都知無可能...只係發夢想想多半天假放下o者..算啦...都係無望架喇~

今晚收工...都煮下飯仔先..haa~其實都唔係煮飯..因為我都唔鐘意食飯既..

所以煮多數都係煮下粉麵多..一來容易煮唔洗諗..二來真係方便好多架~

如果你煮飯..一定要諗整咩送..唔好話煮得多吖~煮兩味都要諗多兩樣啦

所以都係煮粉好d..我又鐘意~hehe~今晚煮左個【拿破倫蜆肉意粉】...

個名好似有架勢咁呢...其實得個名..因為又係現成汁料呢~都係果句..方便嘛

今次呢個汁..係吉吉島出品架..好好味又抵喎..一包只需10.90個大洋咋

一包一人份量~兩人食..兩包會好味d..其實之前都試過佢既汁料..好多味架

之前試左個白汁三文魚..我同老公都覺得麻麻.相比起今次呢個拿破倫汁好d

個名好勁咁呀..其實都係茄汁類囉..酸酸甜甜咁..都幾醒胃呢..都有蕃茄肉

所以自己再加d蜆肉落去就成為了..區c9自家制既【拿破倫蜆肉意粉】喇..

so yummy~~

【區C9自家制 @ 拿破倫蜆肉意粉】

【主角 - 拿破倫汁吉吉島出品各大吉吉島有售】

【意粉 - 烚8分鐘岩岩好如鐘意林D可烚耐D】

【蜆肉 - 各大超市有售，先解凍用熱水浸一浸】

【Step 1 - 首先落汁整熱】

【Step 2 - 等汁稍熱後放入蜆肉】

【Step 3 - 將蜆肉兜均一齊煮等蜆肉同時煮熱】

【Step 4 - 最後放入意粉兜均就可以上碟喇】

P.S︰一碟又簡單又容易既美味意粉就完成喇~

*** Au C 9 Kitchen ***

專整簡單又方便既野食...hehe