台灣之旅(DAY-1)

     係一輪懶散後，今日終於開始的起心肝寫復活節0既"台灣之旅"喇 !

     咪笑我呀! 今次係我咁大個女第一次出遠門...第一次坐飛機

     今次我地TOTAL有7個人去，係自由行0既....

     事前由去慣旅行0既朋友"阿乃"統籌  ( 辛苦曬喇 )

     因為LEE 次旅行，我媽咪都一齊去，雖然自問我媽咪係玩得之人，

     但都要問0下團友介唔介意有個伯母級人士參加啦 !

     去完旅行媽咪問咗我N次幾時有相睇0者 

     佢唔記得佢個女動作有幾快頂喇   ( 我會盡快去沖印出黎架喇 )

     ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

      復活節係旅行旺季...好多人都出門...台灣當然係港澳人0既熱門選擇啦 !
 
      3點半到達，落地簽証攪攪埋埋要等成個鐘，多謝其他團友0既忍耐

      7點到咗酒店...環境OK....最緊要咁多晚都訓得好平安    



  


     Check--In完，由於稍後會齊齊去夜市食0野，所以現在我地分頭行動shopping，
     咪講笑...我同媽咪sure求其搵d 0野食住頂住肚先啦...我0既目標係整指甲0既用品，
     比我搵到一間呀..不過我0既國語實在太水喇...但去到某d專業用品名稱我唔識點講，
     好好彩係舖頭有個顧客見我手、筆紙並用，佢幫我做翻譯，原來佢都係香港人黎架，
    今次返台灣係拜山0既 ( 點都好....唔該曬 ^^ ), 結果好順利買到心水0野 !



 

     大家會合去西門町夜市喇....yeah  ( haha..經阿乃提番..原來係華西街先0岩)
    人多唯一好處就係好可以試多d不同類0既食物又唔怕過飽，
    超鍾意食海鮮0既我，當然唔少得咁好嗦0既蝦蟹啦 !
    實在太好味喇...我同媽咪決定第2晚要私自買多份返去酒店慢慢嘆 !






    甜甜0既挫冰....嗯.....偶然食0下都好0既....透心涼
    細細粒0既涼圓....好似我地d糥米滋咁..食落qq0既感覺，而且唔怕好甜...唔錯 !



   12點lu....坐的士返酒店 ，原來台灣d 的士司機手車好辣架...
   嗯......今日就講住day 1  0既行程你地知先啦 ! 欲知day 2 就要下回分解喇

  ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

   想睇多d有關旅行0既0野，歡迎去其他團友0既分享介紹 !

大家的blog link：

阿乃藝術‧遊世界

雯雯~~~豬

Joyce的旅遊生活日誌