行山

尋日，我同我家人及舅父一家人一齊去行山，由大埔烏蛟滕至三椏村，大約11點到達起點，沿路風景不錯，經過一條沒有住村落叫"九擔租"，聽說因為太入不方便所以搬出一點，但保留原有面貌，再行過一點有條分岔路，我們沿住平路行，上路是山路比較難行一點，行過30分鐘會到達上苗田及下苗田，下苗田行得會辛苦一點，跟著我見到一條山溪水，我打算行落去不小心滑倒，跟著我表弟又是這樣，我們兩個一起哈哈大笑，但水好清涼、好舒服。

我們再向前走去到沿海路，到達印洲塘，風景好靚，我媽媽見到楊梅想試下，我告知她好酸架，她唔信在樹上採下來試食下，她一試馬上吐出來，哈哈! 原來這裡有海產食例如：石蠔、泥鯭等等，不過三椏村是客家村所以我們食d客家菜，不過這裡食野都唔平，我們叫左雞、泥鯭、菜等等，我也叫了飯後甜品‘凍豆腐花’，我食一口雖然唔滑但好有豆味，好食!

食完中午飯，我們沿路回程，但到了三椏涌時行山途人告知前面已水漲須要澗水過，我們到時見到人真的澗水過，我地也跟著脫了鞋，我想我咁大個女從來未試過行山脫鞋過，我細表弟一落水大叫，因為水好凍，最后要舅母抱他，過了后我隻腳濕了，建議去到我們之前見到溪水果到清洗，跟著我們赤腳地行，終於感受大自然(哈哈)，當經過細石頭時，我兩個表弟大叫好痛，我細表弟唔行把石頭取走，令我大笑一餐。我地終於到達了，我立即把腳放在水裡，馬上清涼舒緩赤腳行山之痛，今次我真係取得經驗啦~

我地行左大約五個鐘(來回)，到達時我見一大隊消防，我想又是行山迷路，我見D消防睇完又睇地圖，最後要再開車走去另一地方，D消防唔係已知道正確地點咩，唉真是....不想說!

我回到車上，立刻有種不想起身感覺，我地再去鹿頸食野，之後開車回家，我回到家立即沖涼及睡覺。

我遲點POST 相!