心情愉快

星期一同blog友飯聚及與小楓慶祝生日, 傾開才發現原來我都好耐冇寫blog同睇blog

好啦好啦, 趁今日得閑分享下, 因為昨天過得很開心

首先, 老公最近吐血已經兩星期了, 真係嚇到我面都青, 做左幾千身體檢查都找不到原因, 令我越來越擔心, 昨天終於迷團解開了, 原來係牙肉嚴重發炎, 只是小問題, 終於可以放下心頭大石了

我的朋友搵工, 終於有點微目了, 希望今次可以順利過關

昨天上跳舞班有好大突破, 不是我的舞技, 而是跟同學交流。昨天有同學大膽問miss可否錄影, miss問有沒有同學介意後, 就開始錄, 其實我一直都好想錄, 但我怕羞, 一直都唔敢問, 有同學做先鋒, 我真係開心到不得了, 不過, 我今次企左前排, 跳到一團糟, 有點失禮, 大家相約下當大家都帶video番黎錄, 留作紀念。課堂完了, 大家就衝向那位同學取copy, 因而制做了機會大家同學仔開始交流, 之後還同同學一齊坐巴士回家

其實每一次學習一樣新事物, 除了享受學習過程外, 最開心就係識新同學, 大家有交流, 日文班已經好成功做到這一點, 每次踏入課室都係好開心的事, 大家好似family, 有種好warm感覺, 唔會有走堂意慾, 這個都是我其中一個學習動力。

我已經報了下一季(1-3月)同一個跳舞班, 有部份同學仲會同我一齊繼續跳, 真係好開心。

另外呢排好似特別好學, 我係工聯會再報了羽毛球初班, $440十堂, 又有人教, 又有得玩, 仲平過自己book場。其實我契哥一直好比心機教我打羽毛球, 不過我發現熟人教, 我唔受教, 我契哥又唔敢鬧我, 所以都係出去學好d。

2010年1-3月都好忙, 星期一學羽毛球, 星期二學跳舞, 再加上平時間中自己book場打羽毛球, 一個星期至少有兩日做運動, 真好! 星期五仲要繼續學日文

12月6日就係4級日文公開試, 許勝不許敗, 因為肥佬左, 就攞唔到政府CEF津貼, 成五千幾架! 嚟緊我都間唔中會請假溫書, 因為上次阿sir同我地做passpaper, 我做得好差, 聆聽錯多過一半, 而家都驚驚地, 真係要勤力D先得。