頂到上心口

秋去冬來, 天氣寒冷, 如果胃口唔節制, 身體就會一日一日長大 ----- 我意思係打橫發展.

我就係一個人辦.

今年唔知黐左邊條線, 發癲咁食火鍋.  雖然多菜少肉, 但少不免量多, 量一多, 自然積埋, 積積埋埋就有報應.

例如今晚, 平時放工間中會去屋苑附近間一哥燒鵝食番碗燒味米線, 加碟油菜, 都已經好飽啦, 點知正話又跳掣, 叫左碟燒肉油雞飯, 一碟菜心, 仲送埋例湯添. 

望住碟山仔形既飯以為又 side 野啦, 點知唔該冇句俾我廿分鐘掃清.  好驚!

一路行番屋企, 一路飽到上心口....