流感大流行,次次都有份中招,係屋企度睇小說既鐵人.....,

   就過9月,仲有一星期唔夠就國慶加中秋,踏入10月秋天到.又係流感盛行既季節,電視係咁叫人小心,但係我都唔好彩中左招.....,一病就成星期,上星期日我仲參加左公司個康樂營,去游下水玩射下箭咁,點知第2日就suck左.....,唉,人老左果然唔靈,谷一谷都收皮~~~~,呢期開始游返水,希望操多排身體會好d啦.

  下星期中,係屋企附近既 訓橫巷 又開倉,睇過下d特價野,又係一年雞過一年冇咩好野.都唔怪得佢既.日元係咁昇,但係個市好以死水咁 ,d人有錢都留番黎洗啦.玩具又唔係必需品,須求大減,我仲要係d玩具討論區度收到風,佢俾間大既玩具店走左幾十粒數......,如果係真既.唔怪得佢要開倉散貨,如果俾日本批發過邊追數,除時到佢執埋都以.....,唉~~~~,玩具呢行真係難做,我都係得閒係網上面散下d舊玩具算啦,見人開一間執兩間,都咪話唔邪~~~~~

   最近睇左兩本小說,分別係小林第8銅人同功夫,都係出自台灣小說作家九把刀既作品,除左某幾本所謂輕小說外,其實我係冇咩睇開小說既習慣.之於點解無啦啦走去追呢兩本.都係因為睇左龍少本第8銅人既香港漫畫版,覺得好睇想知結局所以搵小說黎睇,睇完後覺得都唔錯.係個結局我覺得差少少之外.其他都ok.佢講故事方法好踏實,用字都算簡單易明,唔以有d小說家用詞比較深要慢慢諗.

  至於漫畫版,不得不提下本書既編劇,佢將原本唔係咁啱係漫畫度表達既情節修改,仲將故事推進節奏掌握得好好.鬆緊得宜,應記一功.不過由於小說故事偏短,我由漫畫既專欄度知要作太約一年既連載,咁冇法避免要由香港呢邊增加情節,由上一期(即第12期),已經有原創劇情出現.故事走向亦同小說有異,希望香港個編劇keep到佢既水準,保持本書好睇啦.

  而另外本功夫,係好友懶樣強烈推介,個人睇完後係認為某d場景既迫力的確係在第8之上,由其係最後一幕,一路睇個陣直頭好以有畫面係個腦度浮現咁.不過由於故事題材較特別(唔好見個書名叫功夫就當佢係武俠類),兩本作品相比好以唔太合適.總之各有各好啦.本功夫如果有漫畫版,我個人會推介由藤田和日郎黎畫(我覺得作者本人一定有睇過佢既漫畫),因為好多表達手法兩位好以如出一撤,不過係一個用畫面另一個用文字去表達既分別,好可能佢借左藤田大師d野黎用都唔定.

   呢排日日玩舊game,最近玩緊光榮隻三國英傑傳,都幾易上手,好啦,都係時候去昇下lv,係度祝各位blog中秋快樂,下次見啦.88~~~~

queens  blade  圖兩張,ms-06笑納~~~~~