每朝早一起身,就係第一時間去望下矇豬d糧食哂未,不過個大食仔通常都經已食鬼哂(唔好見隻衰舒o野細細隻,而家已經食得多過家姐),如果all o左屎屎既話,重要連d屎屎都食鬼埋,話時話,轉o左3隻糧都重係o甘,個衰仔幾時先可以改到呢個壞習慣呢

跟住就到上運動堂既時間喇

哈哈!!咪即係屋企自由行囉!!

咪以為個衰仔得三隻腳,跑得快到呢!!真係捉都捉唔住

同一時間,亦係做爸爸既我最想死既一刻,就係洗布滿屎漬既尿布喇

如果個衰仔可以乖d,定性d,唔好o甘多爪,就可以用紙尿片,爸爸就唔洗o甘辛苦囉!!

雖然湊大一個bb都幾辛苦,又會失驚無神o甘咬鬼你,重要當正全屋係私家廁所

不過見住個衰仔一日一日o甘長大,完全無比隻腳仔既問題豁影響到o甘,一見你返到屋企條尾仔就好似開o左turbo起勢o甘擺,見到o甘就咩都抵返哂!!

為人父母既最大願望,只係想見d仔女快快樂樂,健健康康o甘長大成犬就滿足啦!!

P.S.:矇豬d疥癬蟲已經好番哂!!打o左第一針,而家已經可以同家姐一齊玩,兩個都不知玩得幾鬼開心添!!個衰仔仲成日蝦家姐,搶哂家姐d玩具,哈哈!!有時又蝦Panda哥哥,無時停!!每日都會跟家姐一齊落街散步,仲叻仔到次次都要自己上3層樓梯返屋企,遲d再post埋矇豬上樓梯d相比大家欣賞啦!!