我的自傳(矇豬)

大家好！仲記唔記得我呢？

點都好，等我重新介紹多次自已啦

我而家叫"矇豬"，即係之前既"豆豉眼"！

我係喺一條水渠度比一任好心義工姐姐發現，跟往就帶咗我去一個貓狗收養場度，果度就係我既第一個家，果度有好多貓貓狗狗哥哥姐姐，多到我都數唔哂咁多

由於發現我時經已係冇咗隻右腳掌，所以另一位好心姨姨覺得我好可憐，怕我喺收養場度得唔到適當既照顧,亦唔介意我有皮膚病，就抱咗我返屋企暫養住先，重帶我去睇醫生，個醫生哥哥話我隻腳仔有可能係天生既，不過我唔怕，就算小咗隻腳我都一樣跑得咁快，但皮膚病就麻煩小小，原來係疥癬蟲，所以而家係要隔離冇得出黎玩住，要等到好返哂先得

而期間有一位叫Tung Tung既義工姐姐，佢將我既故事寫咗上Blog，咁啱又比我而家既爸爸見到，咁爸爸就聯絡咗Tung Tung姐姐，咁我而家就黎到呢個新屋企啦

新屋企除咗爸爸之外，仲有媽咪、大佬Panda，家姐夢夢

大佬Panda

家姐夢夢

爸爸好錫我架，重幫我定咗4月4號生日，係同家姐同一日架，好想快d到果日！！到時就有蛋糕食