當奸妃遇上奸商

話說今日去咗深水保市政街市想買嘉美雞煲粥，因為之前食過係一流。少油有雞味肉滑無激素，獅子好鐘意食。

咁我只想要雞殼唔食咁多肉。咪問個呀姐有無嘉美雞殼？

個呀姐指住個雞殼話呢d就係啦﹗

咁我買咗發現好奇怪有d唔對路。番轉頭睇......同我上次買果檔明顯地無嘉美雞既橫額或海報既？咁我再睇睇。原來之前果檔己經無做。咁我知比人呃咗走人算啦﹗

啱啱番到屋企上綱揾番嘉美雞綱站資料，打去問有無批比深水保市政街市上樓既''有利號''。佢地話而家己經無批比深水保區，而我講果間重係一直無批過既。你比人呃咗啦。

咁我梗知比人呃咗啦。佢問有無佢地檔口電話，等佢地可以打去警告佢地。或者我應該攞番去換番錢。我講真又唔係同佢地做朋友，只係買野點會同佢地熟到有佢地電話呢﹗

但我覺得今日好熱呀，重番轉頭咩﹗咪問番佢地响附近邊到有，嘉美雞公司既人話响廣東道同快富街都有。重話一定會有佢地既海報或横額至係有批。另外就算擋咗既响腳上都會有編號環(真係有點同人死咗一樣)。個職員重話可以寄資料比我睇，重有食譜同有批既檔口資料比我。不過我同佢講上綱睇可以啦﹗(真係唔想用咁多紙，會好浪費。)佢話可以預訂滿一百五拾蚊雞會免費送貨。佢公司重可以訂有機菜......講咗好耐......我唔該佢之後收咗線......

......當奸妃遇上奸商，令獅子本來有好好地既一餐粥食，都變成唔圓滿......就因為今次比人呃......獅子又要好耐至有一餐靚粥食囉﹗