~長長久久赤柱上環一天遊~

11月5日係我同妳嘅拍拖9週年紀念,我無特別去安排什麼慶祝,只想同妳輕輕鬆鬆去渡過這一天.  當日.我們一大早起床就如常簡單清潔屋企,之後就去到笫一城食早餐,因為近來食得太多濃味嘅野,所以我地就選擇食呢D一粒粒嘅野啦~ 我地食左嘅野包括燒賣,腸粉,魚旦,仲有一隻"傻"添...聽落好似食好多野咁,其實樣樣都係得幾粒.呵呵!飲埋杯奶茶,飽晒! 跟住我地就出發左去赤柱啦,諗住去行下影下相咁啦,點知去到就變左瘋狂購物日...今次嘅大出血...恩好完全受惠晒...因為赤柱原來係好多好靚嘅BB衫買架...不過D衫係真係好鬼得意好鬼黑人憎....哈哈!買完衫衫之後就緊係指定動作去影相相啦...左影右影左影右影...影到攰就同老婆去左麥當當飲TEA啦,飲完TEA就坐回程車到中環啦!!中上環嘅夜景實在太動人啦,每次去到都覺得有果一種氣色,唔知點形容,不過我知穎穎會明白,係咪!去到中環,笫一件事又係買衫俾BB仔...BB雖然未出世.但係佢真係好麻煩!!哈哈!!跟住我地就去食晚飯啦,去左間我地好耐無去嘅<<餃子園>>,我地一致認為芹菜餃係最好食,所以我地決定叫兩碗都係芹菜餃,叫多個醉豬手,餃子的確係好味,豬手都幾爽...不過唔夠醉,過得去啦!!希望今個晚餐唔會攪到佢執笠啦~~~食完飯之後我地就去左上環SOHO區散步,途經一家遠近馳名嘅大掛檔食糖水,我就食綠豆沙,穎穎就緊係食左個好有意頭嘅"糖不甩"啦...哈哈!!跟住再拍多陣拖就回程lu... 感覺簡單舒服的9週年紀念,老婆,多謝妳! I LOVE YOU!!