柏斯之旅 (第一天)

今日一早起身, 唔知係咪緊張, 個頭好痛, 痛到嘔....係真係嘔呀! O個一刻我好驚: 死啦! 今晚上機, 唔係唔舒服呀? 之後仲嘔O左2次, O拿O拿聲即刻上床訓, 訓O左一陣真係好好多!

到O左 7:30PM, 亞媽一放工就送我去機場, 我諗住早D去CHECK-IN, 可以揀窗口位, 點知同 PANNY O個次相比, 今次好多人呀, 好多學生呀! 唉...而家D學生真幸福, 可以跟學校參加遊學團, 到最後我都係揀唔到窗口位, 好失望啊!

完成O左 CHECK-IN 程序, 我同亞媽去O左大家樂食飯, 跟住周圍行, 行到 10:15PM決定入閘了, 亞媽好似有D唔捨得咁, 緊係啦, 今次係我咁大個女第一次自己單獨搭飛機, 仲要坐成8個鐘呀!

過完關, 去到22號登機閘口, 等到11:35PM就可以登機啦! 我O既旅程開始啦!