轉眼間

真係轉眼間, 細細不良已經七個月, 姐姐都o黎左一個月......

係咪人老左就會覺得 d 時間越o黎越唔見洗呢?

報告下三隻小魔怪情況先.....

大不良 : 懶散性格, 無手尾, 臨急抱佛腳, 依然故我, 唯一唔同, 就係開始溫下書。佢真係開始大個, 同d男女同學, 三五成群, 玩埋一堆, 傾電話, 聽歌, 瞓教. 時下年青人興o既野, 就係咁上下o羅...

小不良：依家最錫係爸爸, 得閑做埋d古靈精怪動作, 跳下d攪笑舞, 得閑就賣口乖, 氹下周圍o既人, 同家姐有時會吵下咀, 總之就係無時停。琴晚同大小不良兩個去左夢幻樂園hea左半個鐘, 佢地仍然鍾意玩lee d 倒錢遊戲, 仍然仲有童真, hahahahha......

細細不良：開始食固體食物, 見到人食野 就會流晒口水, 仲會發出 "咕咕" 聲, 對眼好懇切咁望住你, 叫你比埋佢食, hahahaha, 原來都係胃食一族! 仲有, 依家識野左, 鍾意大奶奶或者姐姐抱住瞓教, 幾咁識嘆!! 總之就係人仔細細, 要求多多啦~~!!

唉......捱下捱下又過左半年..... @_@ 見住三隻野一日一日發大, 雖然辛苦, 但都幾開心^_^