ａ問：點解成日要發皮氣？你知唔知會令身邊果個會好難受！
ｂ答：咁究竟有無諗過點解我會發皮氣？
ａ問：點解成日要鬧人？知唔知令人好煩？！
ｂ答：咁究竟點解成日有野比人鬧？唔通貪得意，自己o羅o黎勞氣？
ａ問：我返到屋企想清靜下，睇下電視，睇下雜誌，瞓下，咩都唔想做......唔想聽到你嘈嘈閉！
ｂ答：咁點解你可以咁想，我唔可以？
ａ問：你係女人，ｄ野緊係你做架啦！你睇，我今日"幫你"執屋，抺櫃，幾咁偉大呀！我係男人，每日做野好辛苦架！
ｂ答：你係男人，點解做屋企野係叫做 "幫我"，係咩概念？我係女人，每日做野都同樣有壓力！
ａ問：我只係想夜晚清靜ｄ上網，有自己時間舒緩下......
ｂ答：咁每日上網唔休息，唔好話係因為做野攰！你都好，有時間可以舒緩，好過我多多聲！
ａ問：見到你黑面，好煩！好嘈！好討厭！直頭唔想聽到你把聲，睇到你個樣..
ｂ答：．．．．．．既然你咁諗，不如你做我o既角色，你就會明白！
ａ問：做咪做！有咩咁大不了！但我唔想放工煮飯喎，又唔想換屎片喎，我又唔識幫細細沖涼喎，佢地ｄ功課我唔識睇喎，考試我唔識點幫佢地溫喎，我唔識幫老二梳邊喎．．．．．．
ｂ答：．．．．．．我以前同樣咩都唔識！唔識黑面，唔識令人煩，唔識嘈人，唔識令人討厭！
ａ：．．．．．．
ｂ：．．．．．．
Bowie 2009-03-27 00:54
黑椒萍2009-03-29 07:51