大老爺最近病倒, 一家人都擔心起o黎, 尤其係大奶奶, 又要擔心大, 又要照顧細, 感覺實在唔好受, 希望大老爺唔好氣餒, 細細又聽聽話話啦........
我lee個做細o既, 做到o既並唔多, 只係放工趕返去煮餐飯, 得閑同下大老爺傾下計, 叫大小不良氹下大老爺, 鼓勵下佢, 買d輔助用品比佢, 等佢生活上安心一d.......而大奶奶方面, 盡量協助佢減少工量, 有咩就同我地相量, 唔好攬晒上身, 因為實在都好大壓力......
lee幾個月都有唔同o既野改變左, 心情其實唔多好, 不過我知點都要面對, 因為我知要活在當下, 就只有向前望。有時, 真係會覺得疲累, 夜晚靜落o黎o既時候, 都會諗下往後o既日子點先可以做得好d, 令每個家人都唔好有缺欠o既感覺 !
今日, 要正式返工, 又開始一輪新戰鬥, 我今年o既目標
(1)就係要幫手照顧好大老爺
(2)協助大奶奶
(3)教導大不良守規則, 按時報到, 努力讀書溫習......兼且同佢傾多d計
(4)幫小不良學業上有改進, 陪多d佢玩, 錫多佢幾啖.......
(5)細細不良要照顧得佢妥妥當當
(6)多d幫一家之主按摩, 協助佢舒援壓力
(7)自己方面, 自老三出世, 要好好管理好財政
* 以上可以做到幾多? 唔知架.......為屋企人, 一定會盡力而為.......
Bowie 2009-02-08 01:57
如果第六項0既"多Ｄ" 改為 "日日" 咁就 Perfect 0勒！
黑椒萍2009-02-11 00:37
不過, 講真, 一家人麻, 都係果句啦, 盡力而為麻~
至於第(6)項, 都係果句啦, 盡力而為o羅~