又過一年

又過左一年, 快到覺得同上年倒數只係相隔幾個月......我同一家之主都好感觸!

咁又過左一年, lee一年變化好大.....

 

大不良: 上左中學, 開始接觸好多新朋友同新事物, 樣樣都想試, 樣樣都想知, 我同一家之主開始擔心, 有時同佢解釋點解唔可以, 佢就會話: 我大個啦, 要自由! 聽到之後, 將擔心o既程度同情緒都升級, 變得越講越大聲, 越講越勞氣。其實越愛錫一個人, 就越緊張, 越係緊張, 關心佢o既效果就越相反, 仲變左大家意見越係分岐, 依家真係又擔心, 又傷心~~!!

小不良: 今年高左同肥左少少, 把口越o黎越利害, 腦筋越o黎越靈活(刷鞋果隻), 哈哈哈哈~! 再唔係淨係比家姐鬧, 依家識得反抗, 同家姐講數。至於學習方面, 態度已經有進步, 希望佢加多幾分努力, 咁就最好啦。佢依家係小學階段, 仲係好天真同可愛, 有時講野都會引到我地一家哈哈大笑, 總之就好多鬼主意~~!! 成日係到背廣告, 有時會令出o黎講下, 引下我地發笑......hahahhahah, 比佢激死~!!

細細: 由出世至今日, 變化緊係大啦, 食完奶就會笑, 一早見到呀媽會笑到個口變倒轉三角形, 笑到唔左對眼, 好得意。同大奶奶傾計, 會「un 估...un估」同你講返野, 仲要微微咀笑, 真係好可愛~! 不過, 相對又要求多多, 鍾意坐係到睇野, 個頭周圍望o黎望去, 好八卦~! 無人理佢同肚餓就會爆喊, 眼瞓就會想人攬住......個樣就唔在講, 塊面越o黎越圓, 仲出現唔知雙下巴定係三下巴....!! hahahhaahha

一家之主: 年紀大左, 越o黎越擔心自己健康狀況, 為左三隻小魔怪身心疲倦, 擔起一頭家, 果然唔容易, 尤其係 lee 個女兒國, 真係少d精神都攪唔掂。係到要多謝佢o既耐性同努力, 為左 lee 個家, 佢真係出盡九牛二虎之力, 係到要感激佢..