第七天

第一天：出院時已經係黃昏時間, 返去第一件事比呀爺睇下, 兼夾幫大老爺慶祝生日, 飲飽食醉之後, 就各自歸家, 開始真正的戰鬥....

第二天：基本上係無瞓過, 因為要個幾兩個鐘頭就要起身幫老三填肚, 黑眼圈、打喊怒、披頭散髮、周身無力, 開始第二天o既戰鬥.....

第三天：基本上係同第二天無乜分別, 分別在於開始摸索老三o既皮氣, 從詳計以用邊個對策對付lee隻小魔怪.....

第四天：由出院開始, 未間斷要返健康院及醫院, 好鬼忙, 攰過自己係醫院果時....果然係有咁耐風流........

第五天：多得大奶奶同大老爺每日供應五餐, 自出院以o黎, 胃口異常o既好, 隔兩三個鐘就會有飢餓o既感覺, 希望唔會因為咁變左大肥婆......

第六天：我總括左每日o既 日程表, 原來萬變不離其中.......起身、老三填肚、瞓教、食野........我每日就係 lee 個循環, 頂多係大奶奶睇住老三, 等一家之主帶我落街逛下, 平衡下心情, 已經係一日之日最頂級o既節目......

第七天：終於暫時唔洗日日去健康院, 老三 "黃氣" 回復正常水平, 唔洗再日日撲o黎樸去......


老實講, 開始心力交碎, 唔知係咪因為年紀開始大呢? 無咁好精力......!