今日係國慶, 多日假, 晏晏咁起身, 小不良唔記得今日唔洗返學, 一彈起身就好驚恐話：「死啦, 七點半啦！要搭校車呀！」
係lee一刻我好冷靜咁同佢講：「今日國慶, 放假呀！」
小不良個樣即係好似鬆一口氣咁, 爬左係我格隔繼續瞓教, 我呢.....比佢嚇一嚇之後, 係張床到典左一陣就起身, 無所事事玩下games, 收下mail, 等佢地起身食 早餐 + 午餐......
大小不良食完野之後, 休息片刻, 就督促佢地做功課同溫默書, 因為做晒本份o既野先至可以去街, 當然如果佢地乖乖, 聽聽話話就有獎勵啦, 最後, 佢兩個一致決定去樂富, 因為佢地手頭上仲好多xx樂園o既金弊, 係之前幫手做家務、默書、做齊功課......就有得獎xx樂園金弊, 儲下儲下都幾可觀。好啦, 終於佢地如願以嘗, 上車起程, 點知係車到先發覺兩個都唔記得帶d金弊出街, 小不良即刻無晒心機, 大不良就嘆左一口氣......我話：「無計啦, 鬼叫你地無記性咩!」
唯有行下吉之島啦, 最後, 見佢地準時完成要做o既功課同溫習, 破例一次, 買左 $100 (有130個金弊) 分兩份比佢地自由發揮...! hahhahhaha, 都算了左佢地心事。原來大不良鍾意玩射籃球, 入得球多就可以過關繼續玩, 睇佢射籃, 都有板有眼喎......而小不良就鍾意玩d有得獎小禮物o既遊戲, 獎左d糖仔、野食同d小玩具, 岩晒佢心水, 細細件........大家都盡興而回.....^_^
今日最特別o既係, 大小不良夾錢買左六隻寄居蟹返屋企養, d配件都唔平, 個缸、沙、乾糧、啫喱、水盤, 六隻蟹, 夾埋要成$500, 佢地兩個用儲起果d零用錢買, 嘩~~ 我淨係睇都肉赤......!!
夜晚, 經過KFC叫左個$148套餐, 竟然食唔晒......大不良都已經好努力咁食, 雞翼、薯蓉、雞絲飯、汽水、粟米、雞塊, 都算盡左力 ; 而小不良就掛住打NDS個做手術games, 無心戀食, 食左少少雞絲飯、粟米、汽水就叫飽, 繼續打機........唉, 我唔理架啦, 今晚唔好嗌肚餓就得啦~~!!
全能中場 2008-10-06 19:19
做完功課就可以去街、食野，去xx樂園玩，真係好喇！
嘩，＄500蚊咁勁呀，我都肉赤呀！但相信大小不良暫時都未知揾錢艱難的道理！哈哈！
黑椒萍2008-10-08 14:14
Tony 2008-10-03 18:03
希望這裏幫到你.
陸寄居蟹研究室: www.tonycoenobita.com
黑椒萍2008-10-04 23:01