迎月、中秋、追月

迎月.....正日.....追月, lee d  大時大節香港人都會好重視..........一家人團圓下........

　　今年迎月果日就係大奶奶到做節, 佢地整到一枱都係餸, 我數過, 有十味, 但人數只得九個, 最後, 緊係淨晒係到, 大老爺仲講笑話要食到星期三......."衫叔" 收到料, 就話要打包返自己屋食, lee招真係唔錯, 哈哈哈哈......我同某人對望, 笑到 ka ka 聲........

　　琴晚正日, 返左老媽子到, 我地一群二十多人個人, 大吃大喝, 最辛苦都係呀媽, 媽子恐防無雞, 晏畫三點已經開始去街市到樸左隻雞返o黎, 因為今年雞商進口無多, 有d人無雞過節, 人又多, 買餸都分幾輪, 一直煮到七點幾, 企到腳仔都軟啦~~!! 十幾個餸, 好似上朝咁, 一碟碟新鮮滾熱辡咁炒出o黎, 我地緊係食得滋味, 大吃大喝, 吹水傾計, 食生果, 食冰皮, 跟手成班細路落公園, 有d就玩滑梯, 玩爆走鞋, 有d煲爉, 有d玩螢光棒, 返而無人玩燈籠......

　　不過, 不可不提, 就係一家之主, 琴日下午佢食左半個月餅, 出事........
話說佢每逢中秋節前後一、兩個星期, 都會橫掃各式其式樣o既月餅, 而且來者不拒o既, 仲會自得其樂, 沖埋杯靚茶一邊食月餅, 一邊上住網慢慢嘆~~不過, 今年出事啦, 食得太多, 個胃唔舒服, 夜晚去到媽子屋企, 乜都食唔落, 買左以羅, 諗住解到, 點知d胃口唔上唔落, 攪到想嘔咁濟, 最後, 我係 七仔 到買左 "胃的素" 比佢, 食左好返少少, 佢o既後果就係食唔到中秋節餐晚, 只係食左兩舊西瓜過節.......其實都好, 咪當清下腸胃o羅.......

　　今日迎月, 約左d妹帶埋細路去唱 k, 我諗都好熱鬧下......跟手唔知會唔會去我到落腳, 好, 咁要的起心肝, 執返整齊少少間屋至得, 同埋煲返啖白粥比一家之主食, 見佢真係可憐, 今朝仲要做OT, 唉..........見佢咁為個家, 咁博命, 好啦, 煲啖靚粥佢嘆啦~~~