蠢蛋的劇本 ...... by:io

蠢蛋，一個二個蠢蛋；蠢蛋；
一個二個三個四個五個六個，蠢蛋；

阿爸阿媽講又唔見你咁聽，哼；校長、老師講你一粒字都聽唔入耳， 由頭到腳不斷靜雞雞咁挑戰校規，

蠢蛋，以為閂埋門就可以擋住一切？ 

唔準、唔比、唔可以、唔該靠左、唔該起身，呢度唔坐得，唔入得， 麻煩你排隊；安靜…… 安靜…… 安靜……

蠢蛋! 

有無聽過狐假虎威呢個成語故事？

邊個係狐？邊個係虎？邊個假？邊個威？ 狐狸總有辦法搵到張牙舞爪老虎， 老虎亦從來唔介意一隻一隻一隻狐狸走埋佢身邊；不過， 呢個故事仲要加上另一個角色，就係：蠢蛋! 無蠢蛋就唔會成事，無蠢蛋，狐狸的存在就失去功能；無蠢蛋， 老虎就可能忘記要繼續演戲，一啖食狐狸落肚；狐狸一早就明白， 老虎個肚係永遠都填唔飽，所以，佢每一日都度囤積，蠢.蛋! 

1.2.3.4.5.6.7.8，成千上萬；

狐狸同蠢蛋關係變得比同老虎更密切， 狐狸愈來愈滿足同蠢蛋分分秒秒交流；之不過， 狐狸都始終係狐狸，千祈唔好忘記，你只不過係隻狐狸， 你永遠都唔會知道老虎諗緊咩；老虎亦落得清閒，因為，佢知道， 只要一個模稜兩可眼神，或者加上似是疑非手勢， 狐狸就會出衡力去執行任務，做得比多更多， 好好把握可以作威作福機會；狐狸深深明白，一個接一個 蠢蛋會陪佢玩呢場遊戲，義無反顧咁願意比佢耍到轉、跎跎擰， 最後一齊起舞，隻舞裡面，會有幾多個蠢蛋呢？ 

我今日好忙，不過，幾忙我都想教大家一個字，就係個蠢字； 春虫虫就係蠢，意思即係話，春天天氣潮濕，易生虫虫， 所以就有兩條虫春下面，即係代表有好多好多； 香港天氣經常濕笠笠，所以，滋生蠢蛋就比其他地方更加多， 虫虫就每日每日，好努力咁去生蛋，搞到蠢蛋滿街都係， 真係一個招牌跌落都會責死一百幾拾；死過人地方會被好粗 白線圍住，圍住地方就咩人都唔入得、唔掂得、唔搞得、唔問得、 唔講得，甚至，唔可以記得；咁一日一日過去，白色 粗圈圈就愈來愈多，跟住重疊埋一齊，再過無幾耐， 地下就只會得番好多好多條粗白線，再睇唔到地下原本係咩顏色； 到每一吋地方都係白色時候，我地仲可以企邊呢？ 放心放心放心，個時候，生長得較大蟲，就會手牽住手， 帶領我地規規矩矩、小心翼翼咁唔應該逗留地方消失；但係， 點解唔可以逗留呢？哈哈哈哈哈，做咩要話你知!!!!! 知字後面要拖住五個感嘆號，每一個感嘆號都加強前一個感嘆號 力量，唔，不過好抱歉，我相信蠢蛋係唔會明白呢個情感設定， 蠢蛋係無權過問，亦都無資格參與，感嘆號運用權一早就落 狐狸手上，每一次狐狸出感嘆號，每一個蠢蛋都要聽聽話話， 都要變得貼貼服服，有時候最好表現小小恭恭敬敬， 一切又變得井井有條。 

你估，你仲要度捱幾耐？
你估，一萬個水馬攔唔攔到二十萬人？
你估，水馬係邊個出錢買？
你估，你幾時會著？如果蠢蛋永遠都唔醒，我想開一場演唱會， 唱到你地忍唔住叫我收聲。 

呀!! 有條綠色毛毛蟲跌落，你睇下，佢努力咁爬呀爬、爬呀爬， 佢想去邊呢？你走到我手上，我係咪有權用一隻手指捽死你？ 你咁細，爬得咁可愛，真係有唔捨得；但係，你繼續咁 我身上面爬，好煩；一條還可以忍受，加下一條，加下又一條， 容忍係有過限度；為維護屬於我領土，我會毫不留情咁彈走你； 或者，你走之前，垃圾堆度搵比你填下肚；都臨死哪， 唔洗食咁飽，唔好掙扎，好多都係內定，無得反對；唔公平？ 一直以都好公平，只係唔對你，蠢蛋有咩資格同人講公平？ 

唔洗唔開心，我講個好消息你聽，呢個地方，有比蠢蛋更蠢人， 蠢到呢…… 蠢到呢…… 噢，講錯，唔係人，係，狐狸! 哈，最白痴事竟然可以咁好笑，狐狸一直唔知道自己角色， 一直以比蠢蛋更蠢蛋；蠢蛋蠢係因為佢地唔喜歡用腦諗， 難保有一日，佢地會忽然想用腦，唔再蠢落去；但係， 狐狸蠢到忘記自己角色，忘記老虎佢後面，忘記原本 職責，忘我咁行使佢從來無擁有過權力；你有權咩？你仲有力咩？ 你真係以為自己高高在上？要跌落係幾咁容易…… 

老虎企得仲高，佢先係真真正正食人唔lur骨，佢一啖噬落， 你根本避無可避，死無全屍，滴血不流，只會淨返一張一張廢紙， 唔理你當年花幾多心血，比老虎睇中，就會變得一文不值； 邊個夠膽去打老虎呢？我諗，傻瓜一定好想帶埋笨蛋去，老虎食肉， 會唔會食埋佢地呢？

老虎唔會，唔會放過任何食得入口，食唔入口，只要佢高興， 佢喜歡，佢無聊，有意識或者無意識底下，佢都鍾意 其他生物手上搶走原本唔屬於自己，掠奪人地擁有一切； 而你，除乖乖雙手奉獻之外，就仲可以眼白白咁睇住， 老虎爪牙閃閃之下，咩都唔番；傻瓜同笨蛋仍然度諗辦法， 無人知要諗幾耐，除等，都只係等，等老虎食滯，滯到唔識郁， 滯到忘記左指示狐狸，滯到大家都希望佢滯死；哈哈哈!! 傻瓜!! 笨蛋!! 比心機等啦，老虎仔都出世哪! 

狐狸仲度，學緊虎視眈眈，諗緊自己可唔可以一啖噬落， 食人又可唔可以唔lur骨；日頭白白幾咁適合發白日夢，企 度又發，坐度又發，以為老虎唔醒，自己就可以得天下。 哈哈哈哈!!!你睇，佢嘴角已經出賣佢，白日夢裡面稱緊王， 慢慢品嚐其他人血同汗，甚至淚水；愈多人地血汗淚水， 佢就會好似怪物咁變得愈來愈強大， 大到笨蛋同傻瓜再無能力去挑戰佢，終於可以獨攬天下， 真正稱王稱霸，掏光其他人夢想，一滴不漏；你，同賊有咩分別？ ？？ 

生不帶來，死不帶去，點解你胃口大得咁可怕，點解你貪得咁可惡； 住雞毛可以當令箭，射死晒所有曾經好相信你人。 

哎呀、哎呀、哎呀，嬲哪嬲哪嬲哪，哈哈哈哈!!! 你發嬲個樣真係好鬼迷人，唔怪得之有咁多人會聽你支笛， 仲利害過童話故事裡面個吹笛趕老鼠引細路江湖好手，哈…… 你憑咩呢？ 

好多彩色格仔到閃下閃下，閃到人六神無主， 閃到你唔識分事非黑白，更加唔識分同錯；到底天秤仲準唔準？ 仲公唔公平？你盲？無感覺？ 

大家都有手有腳，有眼耳口鼻，你照下鏡，睇清楚， 你同我地係一樣，你唔係狐狸，更加唔係老虎， 你同我地係一模一樣，一模一樣；點解你好學唔學， 要學做隻黑心老虎？點解要助紂為虐？你睇清楚， 你實實在在係一個人，你摸，有心跳，皮膚有感覺， 比人打會識得嗌痛，比人錫會開心，比人蝦會反抗，感動會流眼淚， 受傷之後會復原；呢度，所有都係人，你明唔明白， 每個人都係一樣，呼吸空氣都係一樣，無論你企到幾高， 食飽都要屙，冷親就會病，著跟住會醒； 

你，醒未？